Ngunakayang UMKM, Gubernur Koster Nerima Penghargaan Kadin Award 2019
- 29 November 2019
- 22:20 WITA
- News
Balitopnews.com, Badung
Gubernur Bali Wayan Koster, Rahina Sukra, (29/11), nerima penghargaan Kadin Award 2019 sakeng Kamar Dagang lan Industri (Kadin) Indonesia. Penghargaan punika kasukserahang olih Wakil Manggala Umum Kadin Indonesia pinaka penanggungjawab Kadin Award 2019 Anindya Alfian Bakrie ring acara Pemungkahan Rapimnas Kadin 2019 ring BICC The Westin Nusa Dua, Kuta Selatan, Badung.
Penghargaan punika kaicen majeng makudang kudang pemangku kepentingan sane mapaiketan sareng ngerajut jaringan kriya mitra sane saling nyokong lan nyamin keajegan paiketan kriya sane harmonis lan produktif. Sane molihang Kadin Award minakadi para pelaku utsaha sakeng mekudang kudang sektor jenis utsaha, sekadi MUMN, BUMD, perusahaan swasta, lan Koperasi kantos para Manggala Daerah Provinsi lan Kabupate/Kota.
Gubernur Bali sane nerima penghargaan inucap mantuk Manggala Daerah ring tingkat provinsi sakeng wilayah Timur kesarengin Gubernur Sulawesi Utara Olly Dondokambey, Gubernur Sulawesi Tengah Longki Djanggola, Gubernur Maluku Murad Ismail, Gubernur Sulawesi Selatan Nurdin Abdullah lan Gubernur Papua Lukas Enambe.
Manggala Umum Kadin Indonesia Rosan Perkasa Roeslani ring sambrama wecananyane maosang, Kadin Award punika kedasarin antu panursksan antuk kontribusi ring ngunakayang UMKM, pamekas rikala ngatesin pikobet akses keuangan/pendanaan, pasar, telknologi lan inovasi, taler SDM sakeng sisi pengelimbakang manajerial lan kewirausahaan.
Manut dane, Kadin pinaka organisasi para pelaku usaha lan mitra strategis pemerintah, stata mautsaha nincapang fungsi lan perannyane, pamekasnyane nyokong pertumbuhan ekonomi nasional lan daerah, taler nincapang pengeweruh dunia usaha pinaka pelaku ekonomi sane andel. Angge nyujut punika, Kadin stata ngaryanin paiketan sane becik sareng makasami pemangku kepentingan sane mapaietan, becik sareng kalangan pemerintah naler sareng kalangan dunia usaha mangdane sida nyujur visi misi lan program kerja Kadin.
Samentara Wakil Presiden Ma'ruf Amin maosang, mejalaran pasawitran pengusaha kecil sida menek kelas. Badan Usaha Milik Negara lan perusahaan sane ageng ring Tanah Air taler mangda mapaiketan angge nincapang kapanggihnyane Indobesia pinaka negara maju.
Majeng ring indike punika, Wapres Ma'ruf Amin ngaptiang Kadin pinaka organisasi indevendent lan pinaka mitra pemerintah, sida ngemargiang program sane sepemargi sareng program pemerintah lan berkontribusi majeng kasukertan masyarajat Indonesia.
Taler rauh ring acara punika Manggala DPR RI Puan Maharani, Manggala BPD RI La Nyala Mattaliti, Menteri BUMN Erick Thoir, Menteri Koordinator Bidang Perekonomian Airlangga Hartarto. (Balitopnews.com/vd/rls).
Komentar