Nyonya Putri Koster Nerima Penghargaan Nak Istri Inspiratif Tokoh 2019

  • 01 Desember 2019
  • 10:45 WITA

Manggala Tim Penggerak PKK Provinsi Bali Nyonya Putri Koster berhasil ngamolihang penghargaan pinaka Anak Istri Inspiratif Tokoh 2019

 

Balitopnews.com, Denpasar - Manggala Tim Penggerak PKK Provinsi Bali Nyonya Putri Koster berhasil ngamolihang penghargaan pinaka Anak Istri Inspiratif Tokoh 2019 antuk makasami program lan kegiatan sane sampun kelaksanayang selami puniki.

 

Penghargaan puniki kasukserahang langsung olih Menteri Pemberdayaan Perempuan lan Perlindumgan Anak RI Nyonya Bintang Puspayoga, ring eedan acara Penganigerahan Anak Istri Inspiratif Tokoh 2019, sane kemargiang ring Wantilan Gedung Pers Ketut Nadha - Bali TV,  Denpasar Rahina Saniscara,  (30 November 2019)

 

Ring sambrama wecanannye,  Nyonya Putri Koster ngaturang suksma antuk penghargaan sane kaicen. Manut dane,  antuk stata menggencarkan 10 Program Pokok PKK ke Kabupaten/Kota lan nincapang kriya mitra sareng PKK Kabupaten/ Kota taler PKK Desa,  sinah progres aplikasi 10 Program Pokok PKK sayan kerasayang ring kramane,  pamekas ring pemberdayaan anak istri lan perlindungan anak alit sakeng kekerasan.

 

Indike puniki kakantenan sakeng ngendepangnyane makeh pikobet kekerasan majeng anak istri lan anak alit sane wenten ring Bali. Ritepengan nyaga kondusivitas puniki,  Nyonya Putri Koster ngajakin makesami kramane mangda sinarengan ngemargiang pemberdayaan majeng anak istri ring wodang keluarga wiadin ring wewidangan banjar,  desa genahnyane.

 

Selanturnyane,  Nyonya Putri Koster ngaptiang penghargaan sane kaicen marep makudang kudang tokoh anak istri insporatif ring Bali,  sida menados motor penggerak,  taler ngicen motivasi sane kapungkuran sida ngicenin imbas majeng anak istri sane siosan mangda sayan makeh sane sida sareng memberdayakan anak istri.

 

Samentara punika,  Menteri Pemberdayaan Perempuan lan Perlindungan Anak RI Nyonya Bintang Puspayoga,  ngaturang apresiasi antuk kerja keras sand selami puniki kelaksanayang olih Manggala TP PKK Provinsi Bali wiadin Kabupaten/Kota ring Bali.  Manutnyane, program prioritas sane kadruwenang olih Kementrian nenten pacang ngamolihang,  yening nenten wenten sokongan sakeng daerah.  Manut punika,  dane ngapti Bali stata nyaga kakompakan lan stata ngiket komunikasi sareng kementrian angda napi sane dados pikobet ring daerah sido kebaosang sareng pusat,  lan sida digelis keambil respon majeng pikobet inucap.

 

Mapaiketan sareng pemberdayaan anak istri lan anak alit ring Bali,  manut Ibu Bintang, Bali sampun dahat becik ritepengan pemberayaan, indike punika kekantenang sakeng akidiknyane pikobet pikobet kekerasan majeng anak istri lan anak alit ring Bali.  Dane ngaptiang selanturnyane Bali sida kedadosang pilot project ring pemberdayaan anak istri lan anak alit.

 

Siosang ring Nyonya Putri Koster,  taler wenten makudang kudang anak istri nerima penghargaan sane pateh,  minakadi I Gusti Ayu Agung Inda Timafo Yudha Manggala Perhimpunan Usaha Taman Rekreasi Indonesia.  Cok Istri Mirah sane berkiprah ring dunia Tekstil,  Ni Wayan Ria Amriani mejalaran kiprahnyane ring widang UKM lan pecints fashion.  Siosan ring punika taler kasukserahang pengjargaan majeng anak alit sane berbakat lan berprestasi,  sane kamolihang olih Kadek Angling Kenaka Baswara pinaka juara 1 Sisya Ajeg Bali,  Putu Galih juara 2 Sisya Ajeg Bali,  Ni Luh Maswitri juara tolak peluru olimpiade para diasabilitas Bali lan Nasional.  Komang Yastra juara Magender Wayang lan Ngerindik,  lan Agus Mertayasa pelukis difabel sane berbakat.  (Baligopnews.com/vd/rls).

Komentar