Wakil Gubernur Bali Cok Ace Rauh ring Acara Pamungkah Bali Democracy Forum 2019
- 05 Desember 2019
- 22:24 WITA
- News
Balitopnews.com, Nusa Dua
Wakil Gubernur Bali Tjokorda Oka Artha Ardana Sukawati (Cok Ace) ngarauhin acacara pamungkah Bali Democracy Forum sane kaping 12 warsa 2019 ring BNDCC, Nusa Dua, rahina Wrahaspati (5 Desember 2019).
Menteri Luar Negeri Republik Indonesia Retno Marsudi sajeroning sambrama wacanannyane sadurung ngawitin Bali Democracy Forum (BDF) sane kaping 12 negesang mabuatnyane ngemit sistem demokrasi mangda prasida ngawetuang katreptian. Kabecikan pamargin demokrasi katureksanin saking amunapi jumlah makasami kramane sane sampun maderbe kesempatan anggen ngaturang kontribusi sajeroning proses demokrasi; tur amunapi sampun akses sane kapolihang oleh ipun i krama sane setara sajeroning ngamolihang manfaat utawi kawigunan saking buah demokrasi. Kasukertan miwah rasa eling soang-soang krama/masyarakat; pamekas sane kirang mampu, sane terpinggir utawi tersisih, tur sane kanorayang, patut polih pawilangan. Demokrasi inklusif sampun pastika patut ngalimak dados pawangunan inklusif; pawangunan nenten wantah kaambil saking pikahyunan sane cupit inggian pinaka kemajuan ekonomi nanging mangda mastikayang taler keadilan ekonomi miwah sosial anggen ring soang-soang bagian populasi.
"BDF-12 tepengan mangkin puniki wenten pracihna sane matiosan, wenten sayan akeh panel diskusi anggen ngarembugang indik demokrasi saking makudang-kudang pandangan utawi daging pikahyun. Nenten wantah saking kalangan media, pelaku bisnis, nanging taler jagi nerima tur nyarengin pandangan utawi daging pikahyun para yowana utawi generasi milenial," baosnyane.
BDF sane kaping 12 kamiletin olih 90 negara miwah pitu organisasi internasional sane ngunggahang tema "Democracy and Inclusivity," antuk sub-tema "Women, Inclusivity, and the State of Democracy."
BDF 2019 sane kalaksanayang saking tanggal 5 miwah 6 Desember 2019 puniki, sajabaning kadagingin olih Forum Mentri, taler kalaksanayang pat dialog utawi babaosan kelompok terfokus antuk tema khusus sane nyarengin makudang kelompok saking pamilet BDF inggian punika babaosan indik Peran Negara miwah Kebijakan antuk tema "Bergerak menuju pembangunan negara yang inklusif"; Kegiatan Forum Masyarakat Sipil lan Media Bali 2019 antuk tema "Nincapang Ekslusivitas miwah Penurunan Demokrasi"; Kegiatan Bali Youth Conference 2019 antuk tema "Yowana lan Demokrasi Digital Inklusif"; tur saur pitaken utawi babaosan indik Bisnis miwah Fokus Ekonomi antuk tema "Ekonomi Inklusif". (Balitopnews.com/DW/Rls)
Komentar