Ngerauhin RAT KPN Praja, Sekda Dewa Indra Mabesen Mangda Pengurus Tetep Reket lan Nincapan Inovasi
- 21 Januari 2020
- 22:01 WITA
- News
Balitopnews.com, Denpasar - Sekretaris Daerah (Sekda) Provinsi Bali Dewa Made Indra mabesen mangda pare pengurus Koperasi Pegawai Negeri (KPN) Praja Kantor Gubernur Bali presida ngangsan reket rikala ngemargian swadharma. “Titiang taler ngaptian pare pengurus mresidayang nincapan inovasi lan kreasi rikala ngelaca-laca program sane jagi rauh kantos Koperasi puniki ngangsan nincap lan presida ngicenin kontribusi positif majeng pare kramane,” baos Sekda Dewa Indra duk matur amatra ring Rapat Anggota Tahunan (RAT) Koperasi KPN Praja tahun 2019, magenah ring Gedung Nari Graha, Denpasar, Anggara (21 Januari 2020)
Sekda Dewa Indra ngelanturang, Koperasi KPN Praja sane wenten saking warsa 1980 puniki wantah duwen pare abdi negara ring wewidangan pemerintah Provinsi Bali, dadosne kramane sami mangda sareng ngupapira, ngagengan lan ngebuhan Koperasi sinarengan.
Ring galah punika, Luh Putu Haryani pinaka Ketua Koperasi KPN Praja nguningan RAT sane kalaksanayang kaping ke-38 punika malelampahan "Dengan Semangat Perkoperasian kita tingkatkan pelayanan untuk menyongsong revolusi 4.0’dan dalam rencana kerja tahun 2020, koperasi KPN Praja akan selalu memperhatikan aspek kelembagaan, aspek usaha dan aspek keuangan“. RAT puniki karauhin kirang langkung 178 kramane, sane kakepah saking Biro, Badan Dinas lan oleman. Maka sami kantos mangkin krama koperasi puniki ngangsan kirang, duk warsa 2018 makeh kramane 3.060 diri lan warsa 2019 nurunan dados 2.946 diri. Indik punika memargi santukan wenten kramane sampun pensiun, malianan genah tugas lan seda,” dane ngawewehin.
Yadiastun asapunika, Haryani maosang guna kaya lan SHU setata nincap nyabran warsa. Mabukti, duk warsa 2018, guna kaya maka sami makehne Rp. 34.823.175.737,- antuk SHU makeh nyane Rp. 1.737.956.857,-, raris guna kaya kantos 31 Desember 2019 makeh nyane Rp. 39.958.098.514 antuk SHU kirang langkung Rp. 1.868.772.507,-. “Nyaksi pemargi guna kaya lan SHU sane ngangsan nincap, nyihnayang pare krama nenten sumangsaya majeng kawentenan koperasi KPN Praja," baosne. (Balitopnews.com/ngr/rls)
Komentar