50.000 Masker Medis lan Baju Coverall Kadistribusian Majeng 18 Rumah Sakit Kabupaten Kota se-Bali.
- 11 Mei 2020
- 20:05 WITA
- News
DENPASAR, Balitopnews.com -Sekda Provinsi Bali apisanan Ketua Harian Gugus Tugas Percepatan Penanganan Covid-19 Provinsi Bali Dewa Made Indra maosan yadiastu pasien sane kenak makehang, sakemaon makasami sampunan ngeliwa, santukan sesatru nandingin Covid-19 puniki kantun lantang lan durung kauningin malih pidan puput. Pemargi nambakin Covid-19 mangkin matiosan, dumun ngunggahang strategi sesatru ring ajeng pinaka makasami genah ngeranjing antuk ngawewehin katebalan santukan sapangrauh PMI lan wisatawan, sakemaon mangkin Gugus Tugas sareng tenaga medis, Satgas Gotong Royong mabasis desa adat miwah krama sami, ngawit magentos ngelawan virus corona sane memargi ring pekraman, santukan ngangsan makeh transmisi lokal. Indik puniki kauningan Sekretaris Daerah Provinsi Bali duk nampa wantuan logistik saking Provinsi Hainan sane kautserahang olih Konsul Jenderal China ring Denpasar Gou Haodong, ring natar Kantor Dinas Kesehatan Provinsi Bali, Soma (11/5).
Makudang upanaya kamargiang majeng kawentenan kasus Covid-19 sane rauh saking ngangsan makehne transimisi lokal, inggih punika sinalih tunggilne ngangsan nincap kasobyahang mangda setata urati ngangge masker, ngewajik tangan, maedohan, ngenakin dewek lan ngedohin keramen. Tiosan raris pemerintah merujuk mangda ngekeb ring komunitas. Utamane majeng wewidangan sane transmisi lokal kabaos makeh miwah ngewatesin geginan / pekaryan ring pakraman.
Wantuan logistik Pemerintah China majeng Provinsi Bali rahina mangkin marupa 50.000 pcs masker medis, APD (baju coverall punia saking Gugus Tugas Percepatan Penanganan Covid-19 Nasional) lan madu kele (punia saking Ida Pandita Dukuh Acharya Dhaksa pinaka sinalih tunggil paweweh imun angga pinaka paweweh kasitengan angga nambakin virus corona) puniki taler kautserahang majeng tenaga medis, pasien positif. Panyukserahang wantuan logistik marupa masker saking Pemerintah Provinsi Bali lan baju coverall miwah madu kele saking Gugus Tugas Nasional puniki kasaksiang olih Konsulat Jenderal Republik Rakyat Tiongkok rimg Denpasar Gou Haodong lan kadistribusian majeng 18 Rumah Sakit Kabupaten/ Kota se-Bali ( RS Sanglah, RSPTN, RSBM, RS Jiwa, RS Tabanan, RS Sanjiwani, RS Buleleng, RS Negara, RS Mangusada, RS Wangaya, RS Bangli, RS Klungkung, RS Karangasem, RS Giri Mas, RS Tangguwisia, RS Gema Santhi, RSU Kubu, RSU Nyitdah) lan taler kautserahang majeng Dinas Kesehatan Kabupaten/ Kota sane selanturne pacang kadistribusian majeng 120 Puskesmas sane wenten ring Bali.
Antuk tetujon mangda setata ngicen ayah-ayah antuk alat pelindung diri, masker lan kasadiayang tamba majeng pasien terinfeksi, Dewa Indra ngelanturang nureksa kasadiayang alat PCR mangda nenten kantos kekirangan.
Konsulat Jenderal Republik Rakyat Tiongkok ring Denpasar Gou Haodong dahat gargita majeng pemargi nambanin pasien Covid-19 sane kalaksanayang olih Provinsi Bali. Macihna sampun gotong royong lan kareketan pare tenaga kesehatan pinaka tim medis, pasien sane meled jagi kenak, pare tim Satgas Gotong Royong mabasis Desa Adat ring makasami desa adat lan makasami saling kedetin antuk ngunggahang kauratian lan tatulad ring pekraman.
Komentar