Wagub Cok Ace Ngemanggalaning Touring "Road to" Pemargi Tata Titi Kahuripan Anyar
- 09 Juli 2020
- 22:07 WITA
- News
KARANGASEM, Balitopnews.com - Wakil Gubernur Bali Tjokorda Oka Artha Ardhana Sukawati ngemanggalaning tur mobil klasik bertajuk "Road to Penerapan Tata Kehidupan Era Baru" ring Provinsi Bali Rutep Denpasar-Karangasem-Buleleng-Tabanan sane kasaksiang olih Gubernur Bali Wayan Koster saking natar Kantor Gubernur Bali, Respati 9 Juli 2020.
Wagub Cok ace sane ngalinggihin ngeraga mobil VW klasikne memargi kasarengin anggota Forkopimda Bali, Kepala Perwakilan BI Provinsi Bali Trisno Nugroho, lan madasaan krama Perhimpunan Penggemar Mobil Kuno Indonesia (PPMKI) Bali.
Rombongan tur inggih punika ngatureksa indik pemargi protokol tata titi kahuripan anyar Provinsi Bali sane sedurungne sampun karencanayang Gubernur Wayan Koster melarapan sewalapatra pikeling utawi surat edaran Nomor 3355 warsa 2020 indik "Protokol Tatanan Kehidupan Era Baru".
Undag pemargi protokol tata titi kahuripan anyar sane karencanayang Pemprov Bali inggih punika undag kapertama, Kamis, 9 Juli majeng wisatawan Bali. Raris undag kaping kalih karencanayang 31 Juli sane ngajimbar ring sektor pariwisata majeng wisatawan Nusantara.
Yening memargi becik antuk makudang evaluasi raris pacang kalanturang antuk mungkah majeng wisatawan mancanegara ring madyaning 11 September sane jagi rauh.
Ring pemargi touring, Wagub maosan manut paiguman sinarengan, 9 Juli 2020 kadadosan tanjek kabungkahne Bali disampun 'relaksasi' lan mewatesne geginan krama santukan wenten gering covid-19 saking pengawit Maret lintang.
"Bali kapertama kabungkah tata titi kahuripan anyar lan kawawanin majeng iraga sami krama Bali. Puniki pinaka pemargi sane patut margiang, anggen ngadungan sareng covid-19, anggen ngemargiang ekonomi Bali sane mangkin wenten ring titik minus," baos penglingsir Puri Ubud puniki duk mapidarta ring Taman Kota Singaraja, Buleleng.
Wagub Cok Ace nenten nulak angka positif ring Bali kantun makeh yadiastun sane kenak taler sampun makeh.
"Munggwing asapunika kasurat protokol kesehatan, dadosne mangda setata eling ngewajik tangan, nganggen masker lan maedohan. Dumogi antuk eling lan urati iraga makasami presida ngelintangin meweh puniki," pengaptine.
Kawentenanne mangkin manut Wagub, presida dados tanjek sinarengan anggen ngeranjing ring era anyar sane nganut lan urati taler nincapan ngangge transaksi nenten tunai.
"Transaksi nenten tunai pastika ngirangin mausudan lan saking derika antuk nganut presida ngemargiang ekonomi, Bali metangi alon-alon. Ngiring margiang antuk adung sakemaon urati," ucap dane.
Tiosan raris Kepala Perwakilan BI Provinsi Bali Trisno Nugroho nyumbungan pemargi sane kalaksanayang Pemprov Bali antuk maundag mungkah mewali roda ekonomi.
"Malarapan SE Gubernur Bali sane taler negesan indik makasami transaksi kaupanayaan nenten tunai pinaka pemargi becik, napi malih baga pariwisata patut durus benjangan. Taler baga UMKM, taler presida keandelang nganggen digitalisasi," sineb dane.
Touring sane simpang ring makudang genah wisata sekadi Tirta Gangga miwah Pura Ulun Danu Beratan punika taler kadagingin antuk ngicen wantuan marupa masker, face shield miwah paket sembako. (gix)
Komentar