Menteri PPN/ Bapenas Ngerauhin Desa Adat Pedungan
- 03 Agustus 2020
- 21:08 WITA
- News
DENPASAR, Balitopnews.com - Bendesa Agung MDA Provinnsi Bali Ida Panglingsir Agung Sukahet maosan desa adat sane embas 1001 Masehi utawi warsa 1019 lintang setata nyarengin ring pemargi parencana pembangunan ring Bali.
Indik punika kaodar Ida Panglingsir Agung Sukahet duk Menteri Perencanaan Pembangunan Nasional (PPN)/ Kepala Bapenas sane kawalinin olih Sekretaris Utama Kementeriaan PPN Himawan Hariyoga ngerauhin Desa Adat Pedungan Denpasar, Soma 3 Agustus 2020.
Semalihne Sukahet maosan desa adat sane katangian olih Mpu Kuturan saking jaman kerajaan, sedaweg kajajah kantos mahardika, desa adat setata mawigun. Kantos kapimpin Gubernur Bali sane mangkin desa adat ngangsan kadukung lan kaenterang mangda ngangsan mawiguna majeng keajegan Bali. Saking 1.493 desa adat ring Bali , makasami kaicen amongan. Desa adat setata kasarengan ring pembangunan Bali.
Asapunika taler antum nambakin covid-19 ring Bali. Protokol kesehatan patut memargi antuk nangian Satgas gotong royong.
"Niki sane raris mekarya sinarengan nyaga krama Bali, antuk nyarengan komponen sami," ucap dane.
Sukahet ngawewehin, mangkin makeh sami kasus covid-19 ring Bali 3.488 diri antuk prosentase kenak 85,18 persen. Antuk asapunika Bali sampun sayaga ngemargiang tata titi kahuripan anyar ngadungan sareng covid-19. Antuk gaginan pariwisata undag kapertama lan undag kaping kalih sampun kabungkah.
Tiosan malih, indik arak pinaka inuman tradisional Bali, Sukahet maosan wenten 3 aspek inggih punika arak pinaka penyangkep yadnya, anggen matetamban (usada) yening kainum manut uger lan nangiang ekonomi kreatif kerakyatan ring Bali. Produsen arak tradisional pacang presida nincapan pikolih.
Sukahet ngaptiang pemerintah pusat presida ngerereh pemargi antuk sareng ngenterang lan ngukuhang desa adat ring Bali. Pemerintah pusat taler katunas sareng ngampanyeyang lan mromosian arak Bali kantos kaloktah ring jagate.
Tiosan raris Sekretaris Utama Kementerian PPN/ Bapenas Himawan Hariyoga maosan dane meled mireng saking krama indik amongan desa adat utamane ring masan gering puniki. Bapenas meled ngarencanayang punika prasida mawiguna majeng krama. (gix)
Komentar