Sekda Bali Nyukserahang Sertifikat Tetincap Status Kapabilitas APIP Undag 3
- 04 Agustus 2020
- 21:08 WITA
- News
DENPASAR, Balitopnews.com - Sekretaris Daerah Provinsi Bali Dewa Made Indra ngerauhin acara nyukserahanh sertifikat tetincsp status kapabilitas Aparat Pengawasan Intern Pemerintah (APIP) undag 3, ring Kantor Inspektorat Provinsi Bali, Anggara 4 Agustus 2020.
Sekda Dewa Indra nyumbungan lan ngicen pengargan majeng sane ngewalinin BPKP Provinsi Bali miwah jajaran antuk kagupuhan miwah kauratianne ngabih rikala nincapan kapabilitas saking APIP kantos presida nampa pengargan undag 3.
Antuk kapolihang pengargan APIP undag 3, Sekda Dewa Indra nunas jajaranne mangda ngayunin nincapne undag puniki boya wantah piagam pengargan kemanten sakemaon taler kasarengin antuk nincapan kompetensi miwah kawikan APIP rikala ngemargiang amongan.
Antuk kapolihang APIP undag 3 puniki, Dewa Indra taler nunas mangda duk nureksa nenten wantah indik akuntabilitas sakemaon taler indik efisiensi lan efektivitas ngangge anggaran. Antuk asapunika, parikrama sane kemargiang antuk anggaran nenten wantah akuntabel sakemaon taler efektif lan efisien.
Sekda Dewa Indra nunas mangda APIP Level 3 presida ngimplementasian tetincap kapasitas , kompetensi kantos kawentenang APIP presida dados pemucuk lan presida ngamolihang undag sane negehang inggih punika undag 4 utawi undag pinih tegeh inggih punika undag 5.
Tiosan raris Kepala Perwakilan BPKP Provinsi Bali Ari Dwikora Tono nguningan indik Kapabilitas APIP pinaka lelawat APIP ngelaksanayang amongan nureksa antuk efektif lan efisien sane kaidentifikasi saking pemargi Key Proses Area (KPA) ring nenem elemen inggih punika (1) amongan lan ayah-ayah,(2) ngemong SDM, (3) Praktek Profesional, (4) Akutabilitas lan Manajeman Pekaryan (5) pakilitan lan Budaya Organisasi, lan (6) Struktur Tata Kelola.
Kapabilitas APIP kapupulan ring limang undag inggih punika Initial (level 1), Infrastructure (level 2), Integrated (level 3), Managed (level 4), lan Optimizing (level 5), raris ngangsan tegeh undagne ngangsan becik kapabilitasne.
Ring Provinsi Bali, 5 inspektorat sampun ngamolihang Kapabilitas undag 3 (mebek) inggih punika Inspektorat Provinsi Bali, Inspektorat Kabupaten Badung, Inspektorat Kabupaten Klungkung, Inspektorat Kabupaten Tabanan, dan Inspektorat Kabupaten Gianyar, raris kabupaten / kota tiosan undag 3 antuk cakepan.
APIP sane medue kapabilitas ring undag 3 (Integrated) nyihnayang sampun ngemargiang praktik profesional audit internal sane pateh lan adung antuk standar audit lan presida ngelaksanayang performance audit/value for money audit ngicen advisory services. Kaaptiang Inspektorat Kabupaten/Kota tiosan presida nincapan Kapabilitasne dados undag 3 mebek sekirangne.
BPKP pinaka pembina APIP ngaptiang ogokan lan satya pimpinan utamane pimpinan pemerintah daerah rikala nincapan Kapabilitas APIP melarapan ngemargiang Perencanaan Pengawasan Berbasis Risiko (PPBR),
Pelaksanan Pengawasan Intern Berbasis Risiko (PIBR) miwah APIP presida ngogokang pemargi manajemen resiko.
Ring galah punika kaserahang penghargaan kapabilitas APIP undag 3 olih Kepala Perwakilan BPKP Provinsi Bali majeng Sekda Provinsi Bali, Sekda Kabupaten Badung, Sekda Kabupaten Tabanan, Sekda Kabupaten Gianyar lan Sekda Kabupaten Klungkung.(gix)
Komentar