Moncoling Krama Beraban Cumpu Pengurus ring DTW Tanah Lot Mawit saking Desa Beraban

  • 23 November 2021
  • 21:11 WITA
  • News
Bendesa Adat Beraban, Made Sumawa

TABANAN, Balitopnews.com - Makudang moncoling Desa Adat Beraban, Kecamatan Kediri, Tabanan cumpu yening krama saking Desa Beraban munggah pinaka pengurus ring Data Tarik Wisata ( DTW) Tanah Lot. 


Parindikan punika kabaosang olih Bendesa Adat Beraban, Made Sumawa, ri kala kaubungin ring rahina Anggara (23 November 2021). 

Dane nlatarang, pamikolih paruman para moncol utawi tokoh Desa adat Beraban daweg rahina Soma (22 November (2021) cumpu yening pengurus ring DTW Tanah Lot wantah krama saking Beraban. "Silih tunggil parindikan sane kacumpuin sajeroning paruman minakadi wit krama wantah saking Beraban, " baos Made Sumawa sinambi maosang yening sajeroning paruman karauhin antuk prajuru desa adat Beraban.

Sekadi sane kauningin, pengurus DTW Tanah Lot jagi puput ring tanggal 24 November 2021. Dadosne ring rahina Buda benjang, wenten pengurus anyar sane kamedalang olih Bupati Tabanan melarapan antuk SK. ( Md)


TAGS :

Komentar