I Wayan Sudiana kasarengin I Putu Toni Wirawan pinaka Manajer kalih Asisten Manajer DTW Tanah Lot
- 24 November 2021
- 21:11 WITA
- News
TABANAN, Balitopnews.com - Surat Keputusan (SK) Bupati Tabanan No. 180/1450/03/HK/2021 indik Pengangkatan Manajer miwah Asisten Manajer Manajemen Operasional Badan Pengelola Daya Tarik Wisata (DTW) Tanah Lot, tanggal 24 November 2021, ngamikukuhang I Wayan Sudiana SE pinaka Manajer miwah I Putu Toni Wirawan STP pinaka assisten manajer DTW Tanah Lot.
SK punika kasukserahang ring rahina Buda ( 24 November 2021) ring DTW Tanah Lot olih Inspektorat majeng Kadis Pariwisata Tabanan, salanturnyane Kadis Pariwisata nyukserahang ring Jro Bendesa Adat Beraban, kalanturang raris Jro Bendesa nyukserahang majeng manajer kalih asisten manajer.
Sesampun ngamolihang SK pinaka Manajer DTW Tanah Lot, I Wayan Sudiana SE maosang program jangka pendek sane jagi kalaksanayang minakadi mabebaosan sareng samian karyawan wiadin samian angga ring DTW Tanah Lot. "Tiang ngaptiang mangda samian prasida ledang, masemita manis, saantukan punika pinaka dasar utama mangda prasida maju, " baosnyane. (Md)
Komentar