Presiden Joko Widodo Jagi Ngresmiang Fasilitas Kawasan Suci Pura Agung Besakih Soma 13 Maret 2023, Gubernur Koster Midabdabin Panyanggra Mangda Ramia
- 11 Maret 2023
- 20:03 WITA
- News
KARANGASEM, Balitopnews.com - Presiden Republik Indonesia, Bapak Ir. Joko Widodo kayun jagi ngresmiang Fasilitas Kawasan Suci Pura Agung Besakih ring Kabupaten Karangasem ring rahina Soma Pon, Matal tanggal 13 Maret 2023.
Ring acara peresmian punika, Presiden Joko Widodo karencanayang jagi nglinggatanganin Prasasti ring ajeng wewangunan Candi Bentar Margi Agung, kalanturang antuk nyelehin kawentenan Fasilitas Kawasan Suci Pura Agung Besakih.
Mapaiketan ring parikrama Pemelaspasan sampun kalaksanayang ring rahina Purnama Kasanga, Soma Umanis, Medangkungan tanggal 6 Maret 2023.
Gubernur Bali, Wayan Koster kasarengin Kapolda Bali, Irjen. Pol. Putu Jayan Danu Putra miwah Sekda Provinsi Bali, Dewa Made Indra ring rahina Saniscara Umanis, Medangkungan, tanggal 11 Maret 2023 nureksain indik pidabdab nyanggra pangrauh Presiden Republik Indonesia, Ir. Joko Widodo ring Pura Agung Besakih.
Gubernur Koster midabdabin panyanggra pangrauh presiden, mangda prasida ramia mawit saking Bandara I Gusti Ngurah Rai ngruruh Kawasan Suci Pura Agung Besakih. Panyiuan krama Karangasem nyanggra pangrauh Bapak Presiden ring Besakih, bet88 miwah krama Klungkung wiadin Karangasem jagi nyanggra pangrauhnyane ring salantang margine.
“Astungkara, melarapan antuk pasuecan Ida Bhatara Lingsir ring Pura Agung Besakih saha jagat Bali, , Bapak Presiden Republik Indonesia, Ir. Joko Widodo ledang rauh ngresmiang langsung Fasilitas Kawasan Suci Pura Agung Besakih,” Pangrastiti Murdaning Jagat Bali saking Desa Sembiran, Buleleng puniki nyarengang krama Bali mangda sareng-sareng ngrastitiang parikrama puniki, saantukan dahat mautama majeng Peradaban Tatanan Kawasan Suci Pura Agung Besakih sajeroning Bali Era Baru.
Prasida kakardinin kawentenan Fasilitas Kawasan Suci Pura Agung Besakih pinaka program prioritas Gubernur Bali, Wayan Koster sane kalaksanayang madasar antuk kalascaryan, fokus, tulus, saha lurus pinaka implementasi visi Nangun Sat Kerthi Loka Bali melarapan Pola Pembangunan Semesta Berencana nyujur Bali Era Baru.
Ageng Anggaran pewangunan Fasilitas Kawasan Suci Pura Agung Besakih kantos ring warsa 2023 puniki Rp 911 Milyar, sane mawit saking APBN Kementrian PUPR Rp 428 Milyar miwah saking APBD Semesta Berencana Provinsi Bali agengnyane Rp 483 Milyar.
Wewangunan marupa Fasilitas Kawasan Suci Pura Agung Besakih pinaka silih tunggil Tonggak Peradaban Penanda Bali Era Baru.(Rls/Btnc
Komentar