Gubernur Bali Wayan Koster Ngemastikayang PSSI Indik Bali Dados Tuan Rumah Piala Dunia U-20 Warsa 2021
- 07 Maret 2020
- 22:03 WITA
- News
Balitopnews.com, GIANYAR – Gubernur Bali Wayan Koster maosan indik Bali yening benjang kajodi dadoa tuan rumah Piala Dunia U-20 warsa 202. Indik punika kaodar Gubernur Bali Wayan Koster duk ngabih Ketua Umum PSSI Mochamad Iriawan sane rauh ke Bali jagi nyingakin Stadion Kapten I Wayan Dipta ring Gianyar, Saniscara sore (7 Maret 2020).
“Even Piala Dunia U-20 warsa 2021 pinaka pengarsa krama Bali,” tegess Gubernur Koster. Dane ngawewehin, minab mangkin fasilitas sane ngedukung even punika kantun kirang, sakemaon Bali medue makeh unsur tiosan sane presida dados tetimbangan.
"Titiang janten nyantos sokongan saking PSSI lan makasami indik utsaha sane pacang rauh anggen nadosang Bali pinaka destinasi pariwisata sane medaging sport pinaka pengolemne," baos Gubernur Koster.
Aran Bali sampun kaloktah ring dura negara. Dumogi antuk munggahne aran Bali, kaaptiang sokongan PSSI antuk tetimbal mecikan fasilitasne. Antuk kawentenan Stadion Kapten I Wayan Dipta sane nampa 20 tali penonton pinaka venue utama presida katincapan dados stadion sane mautama lan manut sekadi sane kasaratan kawewehin lapangan latihan pinaka penyokong.
Kantun manut Koster, Bali mangkin nedeng nedunan pariwisatane santukan gering olih virus Corona. Sakemaon Bali setata metaki-taki sinalih tunggil antuk "We Love Bali Movement", pinaka pemargi ngewalian pariwisata Bali.
" Yening Piala Dunia U-20 presida memargi ring Bali janten pacang dados parikrama sane dahat mabuat majeng pariwisata Bali, tiosang dados parikrama olahraga prestisius,” Koster ngawewehin.
Koster negesan, BaIi ngerauhan devisa pariwisata paling ageng majeng Indonesia, 6,3 yuta wisman utawi 39 persen saking wisman nasional makasami. Devisane Rp. 75 Triliun saking Bali. Dadosne yen kapetek, yening even PD U-20 presida kalaksanayang ring Bali tiosan nincapan olahraga taler presida ngicen kontribusi ageng majeng devisa negara. Ekonomi krama taler ngangsan nincap.
“Yening kangkat, Pemprov Bali taler presida nyokong makasami saking anggaran perubahan. Titiang nyantenan, Bapak Presiden seneng yening Bali katimbangin. Titiang keresep pacentokanne dahat meweh pinaka venue PD U-20, sakemaon titiang maseserah ring Bapak Ketua Umum PSSI. Mogi-mori ledang majeng Bali,” ucap Koster.
Tiosan raris Ketua PSSI Mohamad Iriawan negesan Piala Dunia U-20 2021 pinaka sejarah majeng panegara Indonesia santukan iraga presida ngaonang ‘bidding’ panegara-panegara tiosan sane taler ngarsayang dados tuan rumah event sane mautama puniki.
“Stadion I Wayan Dipta pantes anggen ngelaksanayang event sepak bola internasional. Warsa lintang stadion sane nampa 25 ribu penonton puniki kaangge timnas senior nyanggra Vietnam ring penglantur Pra Piala Dunia 2022 miwah uji coba timnas U-23 sareng Iran. Tiosan saking punika, Bali United taler sering ngqngge ring pacentokan Piala AFC,” tegesne.
Mohamad Iriawan ngangken senang nyingak makeh genah melinggih tribun ‘single seat’ sampun kawewehin ngawit duk kaangge pacentokan timnas warsa sane lintang. Wantah wenten mecikin kidik sekadi ngawewehin kamar anggen fasilitas broadcast, nincapan lampu penerangan, mecikin kamar ganti, kolam mememan toya anget lan tiosan.
“Puniki sinalih tunggil venue sane minab kajodi olih FIFA, manut saking tetimbangan dane sane karencanayang rauh ring sasih puniki. Saking 10 sane karekomendasipacang kajodi 6 venue resmi. Mogi-mogi sinalih tunggilne ring Bali,” ucap dane.
Kabaosan Bali janten ngulangunin majeng wisatawan, napimalih wenten konsep sport tourism sane kadagingin olih Bapak Gubernur. Puniki lintangne lan sering wenten turis sane rauh nonton ke stadion Dipta. Iraga nyaksi taler lapangan latihan sane ngedukung. Janten mangda karemugin taler indik akses, kemacetan lan tiosan. Pasumaya Presiden lan PUPR sampun teges, pacang mecikan venue makasami sane benjang kajodi.
Sawentenanne ring Stadion I Wayan Dipta, Iriawan sane mapungkusan ‘Iwan Bule’ punika nyaksi kawentenang padang lapangan lan infrastruktur tiosan. Taler rauh ring galah punika Wakil Bupati Gianyar Anak Agung Gde Mayun, Ketua Asprov PSSI Bali I Ketut Suardana, lan anggota Komite Eksekutif PSSI Pieter Tanuri. (Balitopnews.com/md/rls)
Komentar