Ny Putri Koster : PKK Mangda Sareng Nyobyahang Indik Baya Virus Corona, Sakemaon Nenten Ngerauhan Gresyuh Krama
- 10 Maret 2020
- 06:03 WITA
- News
Balitopnews.com, TABANAN - PKK mangda sareng nyobyahang indik baya virus corona, sakemaon nenten ngerauhan gresyuh ring pekraman. Indik punika kaodar Manggala Tim Penggerak PKK Propinsi Bali, Ny. Putri Suastini Koster duk mungkah jambore PKK apisanan pitenget PKK ke-48 propinsi Bali ring Denpasar, Anggara (10 Maret 2020)
Putri Suastini Koster maosan, gering corona pinaka pikobet jagat sane sampun kemanahin olih sang sane ngewikanin. Sakemaon PKK patut nyobyahang nanging nenten ngerauhan gresyuh ring pakraman.
"Ngiring sarengin nambakin gering puniki antuk parilaksana hidup resik lan becik, punika wenten ring program pokok PKK. Antuk mareresik, nyagra bayu mangda ngirangin kelalah virus corona," baosne.
Raris indik jambore puniki Putri Suastini Koster nguningan, pemargine kadagingin oleh makudang-kudang pacentokan sane kapiletin olih tim penggerak PKK makasami kabupaten kota ring Bali. Sane menang jagi kautus nyarengin pacentokan ring tingkat nasional.
"Tiosan ngamiletin pacentokan, titiang ngaptiang sane kacentokan sujati memargi ring pakraman, contone meled pekarangan sami ring Bali asri. Nenten wantah indik pacentokan sakemaon jakti-jakti memargi ring pakraman. Kenten taler indik kesehatan, pendidikan sane manut maka-10 program pokok pkk punika," baosne.
Pemungkah jambore puniki taler karauhin olih Gubernur Bali Wayan Koster, Manggala Umum BKOW Propinsi Bali Ny. Cok Putri Hariyani Ardhana Sukawati, Manggala Dharma Wanita Persatuan Propinsi Bali Ny. Widyasmini Indra, Manggala Gatriwara Bali Ny. Ningsih Wiryatama, Bupati Klungkung Nyoman Suwirta, Ketua TP PKK kabupaten/kota se-Bali, Kepala OPD ring wewidangan Pemprop Bali, miwah oleman tiosan. (Balitopnews.com/gix)
Komentar