Gubernur Bali Wayan Koster Nguningan LKPD Tahun Anggaran 2019 Dumunan 20 Rahina Saking Wates Galah, Kasumbungan BPK Bali
- 10 Maret 2020
- 23:03 WITA
- News
Balitopnews.com, DENPASAR - Gubernur Bali Wayan Koster kaabih Sekretaris Daerah Provinsi Bali Dewa Made Indra lan Kepala OPD ring wewidangan Pemprov Bali nguningan Laporan Keuangan Pemerintah Daerah (LKPD) Provinsi Bali Tahun Anggaran 2019, ring Gedung Badan Pemeriksaan Keuangan (BPK) Perwakilan Provinsi Bali, Denpasar, Buda (11 Maret 2020)
Duk punika Gubernur Koster nguningan indik Laporan Keuangan Pemerintah Daerah (LKPD) Provinsi Bali Tahun Anggaran 2019, sampun kabecikan antuk pisaja lan ngelantur.
"Titiang ngaptian opini Wajar Tanpa Pengecualian (WTP) sane makualitas antuk Laporan Keuangan Pemerintah Daerah (LKPD) Provinsi Bali Tahun Anggaran 2019 presida mawali kajujur," Gubernur Koster.
Kategesan, Opini WTP antuk sesaduan pemargin jinah boya pinaka tetujon sakemaon pinaka pemargi saking pah-pahan nyujur akuntabilitas saking makasami pemargi pertanggungjawaban ngangge jinah negara. Opini WTP pinaka tetimbang akuntabilitas saking ngeterang jinah sane wenten ring suwang-suwang entitas dadosne antuk opini puniki pacang presida kasikut proses akuntabilitas ring sinalih tunggil entitas.
Munggwing asapunika Gubernur Koster nunas majeng pare kepala OPD mangda nincapan pekaryanne lan ngicen ayah-ayah paling becik majeng krama, miwah setata nulad ring Norma Standar Prosedur lan Kriteria (NSPK), utamane manut parilaksana sareng pertanggung-jawaban sesaduan pemargin jinah.
Tiosan raris Kepala Perwakilan BPK Provinsi Bali, Sri Haryoso Suliyanto nyumbungan antuk pekaryan saking Gubernur Bali miwah jajaranne sane sampun nyukserahang LKPD dumunan 20 rahina saking wates galah penelas sasih Maret 2020.
Sri Haryoso maosan, sesaduan pemargi jinah sane ketampa BPK ring semeng puniki sampun kawawanin antuk ngebecikan olih Inspektorat kantos kaaptiang nenten mangguh makeh pikobet.
Duk nguningan indik pemargi saking nganureksa jinah, BPK nenten wantah nyobyahan orti indik sesaduan ngangge jinah lan anut ring awig sane wenten. Sakemaonn taler pacang ngaawewehin indik kawentenan tetincap ekonomi makro miwah pemargi anggaran/ pemargi jinah.
“Ring galah 60 rahina utawi kirang langkung ring madyaning Mei 2020, BPK pacang nguningan indik pemargi ngatureksa jinah sane pacang kauningan ring DPRD Provinsi Bali,” tegesne.
Pungkuran, Sri Hariyoso ngaptiang pemargi miwah bebaosan sabe becik setata memargi kantos BPK presida mekarya ngangsan objektif lan ngelisan pemargi nganureksa. (Balitopnews.com/md/rls)
Komentar