Gubernur Bali Wayan Koster Ngelingin Krama Mangda Ngurangin Malelungan ke Bali utawi Medal Saking Bali
- 28 Maret 2020
- 14:03 WITA
- News
Balitopnews.com, DENPASAR - Gubernur Bali Wayan Koster nangian kramane mangda sampunan utawi ngirangin malelungan ke Bali utawi medal saking Bali. Dipradene medal wantah santukan wenten sane nesek utawi WNA (warga negara asing) sane pacang mewali ke panegarane.
Pakeling punika kaodar Koster melarapan antuk sewalapatra sane mapinanggal 27 Maret 2020.
Pakeling punika kamedalan medasar antuk pewarah presiden RI melarapan pidartane duk pinanggal 15 Maret 2020 indik tetincap gering virus Corona (covid 19) ring Indonesia. Maklumat kepala Kepolisian RI .Mak/2/IIl/2020 pinanggal 19 Maret 2020 indik kepatuhan kebijakan pemerintah dalam penanganan penyebaran virus Corona dan Data penyebaran covid 19 ring wewidangan-wewidangan sane ngangsan nincap patut kawaspadanin lan katambakin mangda nenten ngerauhan dampak sane ngangsan nincap antuk tetujon nyelametan kramane.
Wenten 7 poin ring pakeling punika inggih punika mangda kramane nenten mapupul, ngirangin menampekan, mupulan krama lan maedohan antuk ngirangin geginan ring jaba, mekarya ring jero, melajah ring jero lan mebhakti ring jero. Nenten ngawentenan karya adat lan agama sane mupulan krama.
Pemerintah Provinsi Bali rikala mangkin kaucap urati lan nguleng ngemargian upanaya-upanaya munggel kawentenan covid -19 ring Bali antuk tetujon mangda Bali gelis mewali trepti.
Antuk kawentenan punika, kahaturang pakeling majeng kramane mangda ngirangin lunga ke Bali utawi medal saking Bali yening nenten sane karuruh utawi krama duranegara sane pacang mewali ke gumine.
Pakeling punika nenten mangge majeng angkutan logistik sane mangge ring kesehatan, keamanan lan tugas resmi saking pemerintah pusat lan daerah. Majeng petugas ring genah ngeranjing Bali (bandara, pelabuhan penyebrangan, pelabuhan laut) mangda nincapan nureksa kawentenan penumpang manut protokol genah ngeranjing lan protokol kesehatan covid 19.
Pakeling punika mangge kantos wenten pakeling sane tiosan. (Balitopnews. Com/md/rls)
Komentar