Gubernur Bali Nincapan Nureksa Pelabuhan
- 30 Maret 2020
- 06:03 WITA
- News
Balitopnews.com, DENPASAR - Gubenur Bali Wayan Koster pacang nincapan nureksa pelabuhan sane pinaka genah ngeranjing ke Propinsi Bali. Indik punika kasobyahan ring sewalapatra pinunas sane kahaturan majeng Menteri Perhubungan Republik Indonesia pinanggal 29 Maret 2020.
Ring sewalapatra manomer : 551/ 2500/Dishub, Gubernur Bali Wayan Koster nunas majeng Menteri Perhubungan RI mangda kalaksanayang milihin penumpang sane pacang nyebrang ring pelabuhan penyeberangan Ketapang Jawa Timur, pelabuhan Gilimanuk Bali, pelabuhan Padang Bai Bali, pelabuhan Benoa Bali lan pelabuhan Lembar Nusa Tenggara Barat. Wantah ngicen nyebrang majeng penumpang utawi pelinggihan sane makta logistik, sarana kesehatan, keamanan, angga sane nesek lan tugas resmi saking pemerintah pusat lan daerah. Ngelaksanayang wewates operasi pelabuhan lan ngirangin penyeberangan lan gelis nangian otoritas pelabuhan lan penyeberangan anggen nangian posko terpadu sane kejangkepin antuk fasilitas kesehatan, ambulance, thermogun lan ruang isolasi miwah tenaga medis.
Sedurungne Gubernur Bali taler sampun ngamedalan pakeling ring pinanggal t27 Maret 2020 sane nunas kramane mangda ngirangin utawi munggel pemargi ke Bali utawi medal saking Bali yening nenten wenten sane nesek karuruh utawi WNA sane mewali ke panegarane.
Pakeling puniki nenten mangge majeng pemilet angkutan logistik, penanganan angkutan kesehatan, keamanan lan tugas resmi saking pemerintah pusat lan daerah. (Balitopnews.com/gix)
Komentar