Krama Sane Ngeranjing ke Bali Saking Bandara Patut Ngemargiang Tes Swab
- 16 Mei 2020
- 19:05 WITA
- News
DENPASAR, Pemargi ngegolohan ngangge transportasi umum sane kamedalang Kementerian Perhubungan (Kemenhub) ring 6 Mei 2020 makakedik nincapang lelungan krama saking jalur darat, angkasa lan segara gelis kasanggra olih Pemprov Bali.
Pemprov Bali melarapan Gugus Tugas Percepatan Penanganan (GTPP) Covid-19 Provinsi Bali gelis nyanggra antuk pola pengetatan screening majeng krama sane ngeranjing ke Bali utama nyane saking Bandara Ngurah Rai lan Pelabuhan Benoa antuk ngemargiang swab test.
Manut Ketua Harian GTPP Covid-19 Bali Dewa Made Indra ngangsan nincap jagra ring genah ngeranjing Bali puniki kemargiang antuk tetujon nambakin carrier saking zona merah Covid-19 mangda nenten ngeranjing ke Bali.
Kantos mangkin, krama sane rauh ke Bali saking Bandara Ngurah Rai utawi Pelabuhan Benoa inggih punika repatriasi utawi mudalan PMI saking Bali sane mekarya ring dura negara.
“Majeng dane puniki iraga ngemargiang scanning antuk ngambil uji swab-ne sane katureksa PCR. Tiosan saking punika PMI miwah non-PMI patut kakekeb," baos Dewa Made Indra wusan dados narasumber Webinar ring Kantor Diskominfos Provinsi Bali, Saniscara (16/5).
Pemargi uji swab puniki kamunggahang majeng dane sane wau rauh ring Bandara Ngurah Rai lan boya malih ngangge rapid test sekadi sedurungne. Indik puniki kemargiang yadiastun pemerintah pusat sampun nyayagayang awig majeng penumpang pesawat patut ngemargiang rapid test ring bandara sedurung lunga.
"Majeng uger (Kemenhub) puniki, Bali nenten presida ngekeb angga, sakemaon iraga dados nyanggra antuk ngelaksanayang screening majeng sira kemanten sane ngeranjing ke Bali," tegesne.
Ring galah punika talet Dewa Indra nyawis orti indik kawentenan wewates geginan majeng krama Bali, sakemaon krama dura Bali elah ngeranjing ke Bali. Indik punika kabaos dane santukan wenten singsal lan patut kategesan.
Santukan sane patut manut dane, sira kemanten sane ngeranjing ke Bali patut nganutin prosedur protokol kesehatan.
"Krama sane ngeranjing ke Bali puniki janten sampun nganutin prosedur resmi indik repatriasi lan punika taler iraga abih, screening mangda dane nenten ngelalahin Covid-19 majeng krama tiosan," ucap Dewa Indra.
Raris dane negesan sarat sane patut kemargiang olih pare pemilet perjalanan sekadi SE No 4 Tahun 2020. Untengne mangda nenten mudik, ngewatesin malelungan sakemaon wewates punika kemargiang sarat-sarat,” baos dane sane dumun Kalaksa BPBD Provinsi Bali puniki.
Sarat sane kabaos inggih punika makta sewalapatra utawi surat keterangan tugas saking instansi pemerintah, TNI/Polri lan tiosan.
"Kaping kalih, dane mangda presida nyihnayang pikolih rapid test utawi uji swab-ne punika negatif wantah sekadi nika sane dados," ucap dane.
Tiosan raris Kepala Dinas Perhubungan Provinsi Bali I Gede Wayan Samsi Gunarta matutan indik krama nenten nyandang nyapnyap indik ngegolohan pemargi.
“Sekantun krama sane rauh pastika rapid test-ne negatif lan nganutin protokol ring pemargi sepatutne nenten nyandang nyapnyap," tegesnya.
Matiosan, Ketua Komisi III DPRD Bali IGA Diah Werdhi Srikandi Wedastraputri Suyasa nguningan kramane mangda keresep Surat Edaran Gugus Tugas Percepatan Penanganan COVID-19 Nomor 4 Tahun 2020 indik Kriteria Pembatasan Perjalanan Orang Dalam Rangka Percepatan Penanganan Coronavirus Disease 2019 (COVID-19).
“Ngelingin ramiane orti indik maoperasionalne bandara lan orti-orti punika ngawi kramane gresyuh. Titiang nguningan SE No 4 Th 2020 puniki mangda elah kakeresep," baosne.
Diah Srikandi nguningan, pangutamayang kaicen majeng lembaga pemerintah utawi swasta sane ngelaksanayang pemargi nambakin COVID-19, pelayanan pertahanan/keamanan/ketertiban umum, pelayanan kesehatan, pelayanan kebutuhan dasar, pelayanan pendukung layanan dasar lan pelayanan fungsi ekonomi penting. Pengutamayang taler kaicen majeng pasien pasien sane nyaratang pelayanan darurat, krama sane kulawargane sungkan/ padem, repatriasi WNI (PMI) lan WNA, korban PHK lan dane sane pekaryane sampun wusan.(balitopnews.com /md)
Komentar