Putri Koster Nyumbungan Pasar Kaget santukan Nincapan Semangat Gotong Royong
- 31 Mei 2020
- 21:05 WITA
- News
KARANGASEM, Balitopnews.com - Putri Suastini Koster setata ngicen dedukung majeng krama, utama nyane sane tuara, anak odah, balu kaicen wantuan sembako. Napi malih masan merana Covid-19 sane kantos mangkin taler durung puput.
"Angga sami pastika ngerasayang kirang becik rikala mangkin, sakemaon titiang utamayan dane tuara, sampun odah lan balu mangda polih antuan," teges Putri Suastini Koster selaku Pembina IWAPI Bali duk ngerauhin parikrama Pasar Kaget sane rauh saking pikayun IWAPI Bali melarapan KPRK (Koperasi Perempuan Ramah Keluarga) move on lan sane kemargiang ring Subagan Kaler, Karangasem, Redite 31 Mei 2020.
Putri Koster ngawewehin, parikrama puniki wenten pikayun sane cerdas lan kreatif, swadaya anggota KPRK sane tedun majeng krama antuk ngerauhan Warung Kaget.
"Yening pemerintah nyaluran wantuan sampun medasar awig lan cakepan, tiosan saking punika dahat ngewantu antuk parikrama sane pateh. Niki pikayun luwih, puniki parikrama sane matiosan akedik sakemaon ngelangenin. Yeming warung biasane naur, yening niki ngejutin santukan nenten naur," baos Putri Koster.
Tiosan raris Bupati Karangasem IGA Mas Sumatri nyumbungan upanaya ngebekin sarana unteng olih angga kaping tiga, napi malih rikala kawentenan palemahan sane kantun wenten wewates olih pemerintah.
"Parikrama puniki luwih, santukan katuju majeng krama sane patut nampa utama nyane anak odah lan krama tuara," teges Bupati Mas Sumatri.
Ida Ayu Ratih Ratnadewi Ketua IWAPI Kabupaten Karangasem ngawewehin, Warung Kaget puniki pinaka parikrama pengantur saking pidabdab lan program Ketua KPRK Bali antuk tetujon ngewantu nginganan tategenan kramane ring masan Covid-19.
"Pungkuran titiang pacang ngemargiang parikrama pateh nyujur desa tiosan, mangda sami polih ngerasayang wantuan rikala masan merana sekadi mangkin," aosne.
Tiosan raris Ketua KPRK Provinsi Bali AAA Ngurah Tini Rusmini Gorda nguningan, dane seneng parikrama asosiasi sane kapimpin dane kasumbungan Pembina IWAPI Bali pinaka partner pemerintah.
"Puniki pinaka pasilian sane meled titiang wangun nukung upanaya pemerintah nambakin Virus Corona, sane janten sampun pemerintah nenten presida melaksana newek, munggwing asapunika patut kemargiang gotong royong mangda merana puniki gelis ical," ucap dane.
Putri Koster taler nangian makasami mangda nunggal nambakin merana puniki, santukan sane kewantu semeton iragane. Rasa lascarya saking pemilet koperasi antuk manah jagi ngewantu, kaaptiang membantu, dados jalaran majeng angga tiosan nulad pungkuran. Lan sekadi warung, makudang-kudang piranti pokok ngawit saking sayuran, bawang, kesuna, woh-wohan tahu lan tempe kasadiayang ring Warung Kaget, lan krama sane kasurat mangda rauh (makehnyane 50 diri) dadid ngambil sane mengken manten, sakemaon sane dados spesial lan ngejutin kramane santukan rauh ring meja ping ungkur, krama nenten naur.
Putri Koster negesan, saking parikrama Pasar Kaget puniki ngerauhang tetulad konsep tangan melinggeb (ngicen) doh luwihan sareng tangan tengkayak (nunas). Antuk nunggql nambakin Covid-19 lan ngedum kebutuhan pokok gizi sane imbang, kaaptiang presida dados tanjek nincapan semangat gotong royong.(gix)
Komentar