Nenten Guyu, Bali Nyeleng Maundag Nambakin Covid-19, Ngenahang Petugas Kantos ring Banyuwangi
- 01 Juni 2020
- 15:06 WITA
- News
GILIMANUK, Balitopnews.com - Pemargi Gugus Tugas Percepatan Penanganan Covid-19 Provinsi Bali nambakin pangelalah saking krama tamiu nenten guyu. Tiosan saking ngunggahang pisarat medis sekadi sewalapatra pakeling negatif Rapid Tes Covid-19, Gugas Covid-19 Provinsi Bali ngenahang petugas panureksan ring genah-genah sane kaucap Cek Point.
Cek Point puniki ngawit saking Banyuwangi, Ketapang raris ring Gilimanuk. Panureksan krama tamiu taler kawantu olih Satgas Gotong Royong sane wenten ring Desa Adat pinaka benteng paling ungkur sane kawantu aplikasi panureksan angga mabasis Desa Adat. Pola panureksan puniki ngardi oknum sane presida ngelintang ring panureksa dumunan nenten aluh presida ngeranjin ke Bali.
Semalihne oknum puniki presida mewali kabudalan yadiastun sampun ngeranjing ke Bali yening nenten sekadi sane kasaratang. Karauhin ring Gilimanuk Redite 31 Mei 2020 dibi, Kepala Dinas Perhubungan Provinsi Bali I Gede Wayan Samsi Gunarta maosan dane nunggal sareng makasami angga sane patut lan pengemong genah ngeranjing Bali nyanggra arus balik wusan Lebaran.
Dane ngangken kantun wenten oknum sane presida ngelintang saking Ketapang ke Bali. Indik puniki santukan sistem tiketing sane manual lan agengne sane nyebrang ring galah-galah sane petugasne ngeliwa.
"Dadosne, yadiastun sampun ngelaksanayang nyeleng saking Ketapang, aseleng nenten paripurna. Iraga sampun ngenahang seleng maundag sane nyantenan ngewalian sang sane malelungan kawalian yening nenten medue sewalapatra malelungan manut sekadi Protokol Kesehatan sane kapisaratan Gugasnas utawi Gubernur Bali,” baos Samsi.
Dane maosan, sistem puniki sampun memargi becik, mabukti antuk wenten ngewaliang penumpang ring Gilimanuk, jalur nyujur Denpasar kantos olih Satgas Gotong Royong.
"Kamanah antuk titiang mangda setata masikian mangda kawentenang becik nambakin covid-19 ring Bali setata memargi lan iraga pacang nyujur New Normal antuk protokol sane anyar," hatur dane.
Kepala Bidang Ketertiban Umum lan Ketentraman Masyarakat SATPOL PP Provinsi Bali Komang Kusuma Edi maosan, Satpol PP nunggal sareng Dinas Perhubungan, TNI, POLRI lan Kementerian Kelautan lan Perikanan sampun jagra saking sedurung ngeranjing ke Pelabuhan Ketapang.
"Titiang jagra ring cek point punika 24 jam. Yening wenten sane presida nyebrang ke Bali nenten wenten stempel pass lan lingga tangan koordinator nika pastika ngalintang nenten ring jalur panureksa,” tegesne.
Dane ngangken kantun wenten oknum sane ngelintang ring jalur tikus utawi ngengkebin petugas. Sakemaon oknum-oknum punika kapastikayang pacang katureksa ring Pelabuhan Gilimanuk.
Manut dane saking cek poin Sri Tanjung kemanten ring pinanggal 29 Mei 2020 wenten 36 diri katulak ngeranjing ke Bali santukan nenten medue pakeling rapid tes utawi tesnyane kadaluarsa lan nenten medue sewalapatra tiosan. Munggwing asapunika dane nangian krama Bali makasami mangda urati antuk nenten ngewantu oknum lan yening ledang nguningan majeng Satgas yening wenten indik sane ten patut.
Kadis Perhubungan Samsi Gunarta taler ngawewehin, rikala kawentenan jagat sekadi puniki krama lan sang sane malelungan becikang mesikian mangda kapastikayang kesehatan ring prmargi perjalanan lan ledang nyantos geginan kantos covid-19 presida katambakin.
"Yening ten prasida nambakin malelungan amangkinan mangda nyangkepin dewek manut uger-uger. Petugas ngemastikayang ketreptian, yening sang sane malelungan nenten trepti dane jagi kawalian,” baos dane.
Tiosan raris Kepala Dinas Komunikasi, Informatika lan Statistik Provinsi Bali Gede Pramana nguningan krama sane nyebrang utawi krama tamiu ke Bali kantos 31 Mei 2020 sane nganggen aplikasi cekdiri.baliprov.go.id lintang saking 2.700 diri. (gix)
Komentar