Putri Koster Ngicen Sembako Majeng Anak Jada Duk Ngerauhin Penggak PKK ring Desa Besan, Dawan, Klungkung
- 01 Juni 2020
- 21:06 WITA
- News
KLUNGKUNG, Balitopnews.com - Ketua TP PKK Provinsi Bali Putri Koster kaabih Bupati Klungkung Nyoman Suwirta lan Ketua TP PKK Kabupaten Klungkung Ayu Suwirta ngerauhin Penggak PKK sane kalaksanayang ring Wantilan Dusun Banjar Kawan, Desa Besan, Kecamatan Dawan, Klungkung, Soma, 1 Juni 2020.
Putri Koster nguningan parikrama Penggak PKK puniki pinaka cihna rungu lan kauratian saking pare manggala TP PKK Provinsi Bali mesikian sareng TP PKK Kabupaten Klungkung ngicen wantuan sembako majeng krama, utama nyane majeng anak jada ring masan merana Covid-19.
Putri Koster ngawewehin ring parikrama Penggak puniki krama sane rauh dados ngambil sembako sane sampun kasadiayang ring duur meja sekadi s
beras, gendis, wedang, jangan lan woh-wohan. Sembako puniki rauh saking pare mamggala TP PKK Provinsi Bali lan TP PKK Kabupaten Klungkung lan nenten ngangge prebia saking APBD.
Parikrama Penggak puniki karencanayang pacang kalaksanayang ring 9 kabupaten kota sewewidangan Bali antuk siki-siki. Kaaptiang parikrama puniki presida ngewantu nginganan tategenan krama, utama nyane indik nyadiayang pangan rikala merana Corona.
Putri Koster taler ngelingin krama mangda setata nganutin protokol kesehatan sekadi ngangge masker, ngewajik tangan ngangge sabun ring toya membah miwah sampunan menampekan. Antuk punika presida munggel rantai pengelalah virus Corona punika.
Ring galah punika taler kaserahang wantuan merupa masker miwah pamflet majeng krama indik orti virus Corona miwah upanaya nambakin pangelalah.(gix)
Komentar