Pemprov Bali Ngelaksanayang Pacentokan Ogoh Ogoh se-Bali 31 Oktober 2020, Hadiah Makasami Rp 1,7 Milyar
- 16 Juli 2020
- 19:07 WITA
- News
DENPASAR , Balitopnews.com - Gering COVID-19 maksa pemerintah nenten nadosang makasami geginan sane mupulan krama makeh. Punika taler mawinan nyolahang ogoh ogoh duk Pengerupukan nyanggra rahiba Suci Nyepi warsa Saka 1942 nenten presida kalaksanayang.
Duk pinanggal 23 Maret 2020 Gubernur Bali disampun mireng pikayun lan ngarembug sareng Bupati/ Walikota se-Bali miwah Ketua Parisada Hindu Dharma Indonesia Provinsi Bali lan Majelis Desa Adat Provinsi Bali ngamedalang rilis sane nyurat indik parikrama Festival/ Parade Ogoh-Ogoh se-Bali kalaksanayang nyanggra wanti warsa ke-62 Provinsi Bali.
“Sakemaon disampun nyaksi kawentenang COVID-19, utamane ring Bali, Bapak Gubernur nunas ampura santukan durung presida ngelaksanayang Festival/Parade Ogoh-Ogoh ring pinanggal 8 Agustus 2020 sekadi sane karencanayang. Festival antuk format pacentokan punika manut pewarah Gubernur, tetep pacang kalaksanayang antuk puncakne nyukserahang hadiah majeng pare jayanti ring Tumpek Krulut pinaka Hari Kasih Sayang krama Bali, Saniscara 31 Oktober 2020. Apisanan taler ring galah punika pacang kelaksanayang Pembukaan Festival Seni Bali Jani,” baos Kepala Dinas Komunikasi, Informatika lan Statistik Provinsi Bali Gede Pramana ring Denpasar, Respati 16 Juli 2020.
Pramana nguningan pacentokan Ogoh-Ogoh sareng Desa Adat se-Bali sane kantun nyimpen karya Ogoh-ogoh Hari Raya Nyepi Saka 1942. Prajuru utawi Yowana dados naftaran angga ring Majelis Desa Adat Kecamatan suwang-suwang saking pinanggal 8 Agustus kantos 11 September 2020. Penjurian ring Kecamatan kalaksanayang ring pinanggal 15-25 September 2020 lan tetiga sane pinih becik jagi kasobyahang ring pinanggal 26 September 2020. Selanturne, penjurian ring Kabupaten/Kota pacang kelaksanayang saking pinanggal 10 kantos 20 Oktober 2020 lan pare jayanti kasobyahang ring pinanggal 22 Oktober 2020.
Yening kawentenanne nadosang, indik negenne, makasami karya Ogoh-ogoh sane nyarengin pacentokan kalaksanayang ring rahina Sabtu Kliwon, 31 Oktober 2020, antuk mewates magenah ring wewidangan Wantilan Desa Adat/Catuspata/ utawi genah sane adung nenten antuk ngider wewidangan desa. Dane sane naenin dados Kadis Perumahan Rakyat lan Kawasan Permukiman Provinsi Bali puniki negesan negen patut manut Protokol Tata Titi Kahuripan Anyar majeng Krama Bali sane produktif lan trepti COVID-19.
Pramana ngelanturang, Pemerintah Provinsi Bali nyadiayang hadiah marupa jinah sane memakeh Rp 1,7 miliar lintang majeng pare jayanti. Ogoh-ogoh pinih becik ring suwang-suwang Kabupaten/Kota pacang polih hadiah jinah Rp. 50.000.000,- (seket yuta) lan Piagam Penghargaan. Pinih becik kaping 2 suwang-suwang Kabupaten/Kota polih hadiah jinah Rp. 35.000.000,- (sasur yuta rupiah) dan Piagam Penghargaan. Jayanti 3 suwang-suwang Kabupaten/Kota polih hadiah jinah Rp. 25.000.000 (selae rupiah) lan Piagam Penghargaan.
“Wenten paweweh ring pacentokan puniki inggih punika 144 sane pinih becik Kecamatan se-Bali taler pacang polih hadiah hiburan jinah Rp. 5.000.000,- (limang yuta rupiah) lan Piagam Penghargaan,” atur Pramana apisanan ngawewehin indik pemargi pacentokan puniki dados ring Panitia Dinas Kebudayaan Provinsi Bali, melarapan Seksi Cagar Budaya nomor telepon 0361-246474 ext. 108 utawi HP 0813 3732 5665. (gix)
Komentar