Putri Koster Ngicen Pembekalan Paiketan Krama Istri (PAKIS) Bali
- 13 November 2020
- 20:11 WITA
- News
Bali.jpg)
DENPASAR, Balitopnews.com - Putri Suastini Koster pinaka Manggala Utama Paiketan Krama Istri (PAKIS) Bali nyarengang samian anak istri Bali mangda nyarengin pinaka agen sosialisasi mapaiketan sareng amongan saha swadarma pinaka krama ring wewidanganipun soang-soang.
Putri Suastini Koster nyokong kawentenan Paiketan Krama Istri (PAKIS) pinaka organisasi ex officio saking rabinnyane Bendesa Majelis Desa Adat. Organisasi puniki madue tetujon nyokong samian amongan-amongan sane kawengku antuk MDA pinaka lembaga adat sane kasayubin antuk payung hukum marupa PERDA Provinsi Bali Nomor 4 Warsa 2019.
Ring organisasi puniki wenten makudang-kudang parindikan sane prasida kalaksanayang sajroning nyarengin nindihin jagat Bali mapaiketan ring NKRI, napi malih Bali pinaka conto saking pamargin Bhineka Tunggal Ika.
"Yening wenten sane mamanah ngaonang karajegan nusantara, prasida kaarepin antuk ngukuhang kawentenan adat, saantukan malarapan antuk kelembagaan miwah desa adat iraga tumbuh sangkaning utsaha sane ageng, mawinan kabuatang mangda mandiri sapisanan guyub sajroning ngarepin radikalisme sane prasida ngaonang karumaketan NKRI," baos Putri Koster, Sukra 13 November 2020.
Putri Koster nyarengang mangda samian angga sane maingkupan ring Paiketan Krama Istri (PAKIS) mangda disiplin sajroning ngamiletin organisasi, mawinan prasida nyokong program saking pemerintah.
"Ngiring iraga nincapang angga antuk rajin ngwacen mawinan prasida kaanggen dasar sepisanan nincapang pangweruhan, sane prasida raris kaicen majeng anak tiosan ring benjang pungkur," Dane nuekang.
Pembekalan Paiketan Krama Istri (PAKIS) kadagingin antuk tigang diri narawakya minakadi Ketut Sumarta (Penyarikan Agung MUDP), Made Wena (Petajuh Bendesa Agung Bidang Kelembagaan PMA) miwah Dewa Made Ardhana (Sekretaris PMA).(Gix)
Komentar