Gubernur Koster Ngaptiang Bali Madue Basis Pendapatan
- 10 September 2021
- 22:09 WITA
- News
DENPASAR, Balitopnews.com - Gubernur Bali, Wayan Koster ngajiang becik kawentenan rancangan peraturan daerah nomor 6 warsa 2011 indik retribusi perizinan tertentu, sane daging ipun kakuuban geguat Raperda indik retribusi perizinan tertentu, retribusi ijin proyek, retribusi ijin usaha perikanan, dana kompensasi penggunaan tenaga asing, insentif pemungutan, peninjauan retribusi, ketentuan pendidikan wiadin indik geguat pidana.
Mawinan ring salanturnyane Bali dados sumber pendapatan daerah asli daerah, sapisanan madue basis pendapatan daerah sane sayan akeh sajeroning nyokong sumber pendapatan asli daerah pinaka pangupaya sinarengan sajeroning nyokong pewangunan ring Bali ngulati "Nangun Sat Kerthi Loka Bali".
Parindikan puniki kabaosangGubernur Bali, Wayan Koster ri kala ngwacen Panlataran Kepala Daerah mapaiketan Raperda indik Perubahan APBD Semesta Berencana Provinsi Bali TA. 2021, ring Ruang Sidang Utama Gedung DPRD Provinsi Bali, Sukra (9 September 2021).
Gambaran umum rancangan perubahan APBD warsa 2021, maosang yening pendapatan daerah ring APBD 2021 agengnyane Rp 6,035 trilyun nedunang dados Rp 5,9 trilyun.
Gubernur Bali saking Desa Sembiran, Buleleng puniki ngawewehin yening belanja daerah APBD tahun anggaran 2021 sane sadurungnyane Rp 8,5 trilyun sane mangkin dados Rp 8,2 trilyun. Majeng ring defisit APBD sane agengnyane Rp 2,5 trilyun dados Rp 2,2 trilyun.
Pecak Anggota DPR RI 3 Periode saking Fraksi PDI Perjuangan puniki maosang yening Raperda mapaiketan sareng perubahan APBD nginutin Perda Nomor 12 warsa 2019 indik pengelolaan keuangan daerah wiadin peraturan Menteri Dalam Negeri Nomor 4 arsa 2020 indik Pedoman Penyusunan Anggaran Pendapatan dan Belanja Daerah warsa 2021.
"APBD induk 2021 keni perubahan proyeksi saantukan wenen kawijakan saking pemerintah pusat mangda daerah uleng sajeroning ngarepin kawentenan Covid-19," baosnyane.(gix)
Komentar