Bali Pinih Becik Sajeroning Indeks Keterbukaan Informasi Publik (IKIP) Ring Nasional
- 18 September 2021
- 10:09 WITA
- News
DENPASAS, Balitopnews com - Provinsi Bali prasida dados pinih becih sajeroning nilai Indeks Keterbukaan Informasi Publik (IKIP) saking 34 Provinsi sajebag Indonesia. Parindikan punika kauningayang sajeroning parikrama Forum Dewan Penyelia Nasional (NAC Forum/National Assesment Council ). Bali wenten ring undagan pinih duur antuk gebogan nilai 83,15 kalanturang Kalimantan Barat antuk nilai 80, 38 miwah Aceh wenten ring undagan kaping tiga antuk nilai 79,51.
NAC Forum pinaka genah sajeroning nglaksanayang analisis hasil penilaian IKIP 2021 olih para Informan Ahli Pusat wiadin Informan Ahli Daerah, Pokja (Kelompok Kerja) KI Pusat miwah KI Provinsi. Penetapan nilai IKIP ring undagan Nasional Warsa 2021 agengnyane 71,37 sane kasobiahang olih KI Pusat majeng publik, Sukra 17 September 2021 ring ICE BSD Tangerang Selatan Banten.
Ketua KI Pusat Gede Narayana nlatarang nilai IKIP Nasional pinaka pamikolih analisis saking penilaian 312 Informan Ahli (IA) 34 Provinsi sane ngicen indeks 72,60 miwah pamikolih panuresan 17 IA Nasional sane ngicen indeks 68,54, penilaian IKIP Nasional 2021 pinaka gegambaran saking pamargin keterbukaan Informasi Publik selami warsa 2020 ngawit bulan Januari kantos Desember.
Ketua KI Pusat Gede Narayana nlatarang yening pidabdab wiadin pamargin IKIP 2021 sane kamargiang selami awarsa sampun prasida ngamikukuhang IKIP ring undagan nasional sane kapertama ngawit dasa warsa sane sampun lintang sajeroning pamargin Keterbukaan Informasi Publik ring nasional. Dane maosang, melarapan antuk asil IKIP Nasional 202I majanten prasida kauningin indik pamargin Undang-Undang 14/2008 ngeninin Keterbukaan Informasi Publik (KIP) sampun mamargi becik.”Tiosan punika, nilai IKIP 2021 puniki prasida dados catetan wiadin rekam jejak mapaiketan sareng pamargin keterbukaan informasi publik ring Indonesia sepisanan jagi prasida anggen ngarepin pakibeh wiadin pikobet pamargin UU KIP punika,” baosnyane.
Kepala Dinas Komunikasi Informasi dan Statistik Provinsi Bali Gede Pramana maosang yening pamikolih puniki pinaka prestasi Pemprov Bali. " Pamikolih sane becik puniki sampun kauningin antuk Pak Gubernur saha kaajiang becik. Puniki nyihnayang kasumekenan Bapak Gubernur miwah Pemprov Bali sajeroning ngicen pelayanan publik sane becik, utaminipun mapaiketan sareng informasi publik," baos Pramana.
Anggannyane taler ngaptiang mangda pamikolihe puniki kaanggen pangaat sajeroning ngicen ayah-ayahan sane sayan becik majeng krama ring benjang pungkur. (Gix)
Komentar