Indonesia Dados Pelopor Mitigasi Perubahan Iklim Dunia
- 18 Maret 2022
- 17:03 WITA
- News
JAKARTA, Balitopnews.com– Ketua DPR RI Puan Maharani maosang Indonesia jagi dados negara pelopor sajeroning ngardi mitigasi perubahan Iklim dunia ring Inter Parliamentary Union (IPU) ka-144, ring Nusa Dua, Bali aweg tanggal 20 - 24 Maret 2022.
Mabuatnyane mitigasi perubahan iklim dunia mangda panegara-panegara ring jagate prasida nambakin kawentenan perubahan iklim sane wenten, mawinan dunia internasional nenten kantos kagiat sangkaning pawesana sane kaawinang sangkaning perubahan iklim ring benjang pungkur.
Parindikan punika kabaosang Ketua DPR RI ri kala Dialog Special Event: Indonesia Tuan Rumah IPU ka– 144 ring Jakarta (17/3/2022).
IPU ka-144 ngunggahang unteng “Getting to Zero: Mobilizing Parliament to Act on Climate Change”, . "Saantukan perubahan iklim dados pikobet saha uratian samian panegara tiosan ring kawentenan Covid -19,"baos Puan.
Ketua DPR ngaptiang pinaka panagera sane ring galahe mangkin pinaka pwarartaka pamargin IPU ngaptiang kerjasama internasional prasida kalaksanayang mangda prasida nglaksanayang mitigasi perubahan iklim sane wenten. Mangda sampunang perubahan iklim nenten prasida kalaksanayang mitigasi sakadi pandemi covid -19.
"Tiosan ring perubahan iklim, wenten akeh parikrama tiosan sajeroning IPU ka - 144, silih tunggilnyane wenten Women Parliamentarian sane jagi maosang indik kesetaraan gender miwah sapunapi angga istru madue linggih ring dunia internasional pamekas ring Parlemen,"baos Puan.
Sekadi kauningin, salami masa pandemi covid – 19 puniki ibu – ibu sane madue amongan paling nenten ngurus kulawarga, pinaka tenaga kesehatan, wiadin makarya ring UMKM sajeroning ngwantu ring kulawarga, baos Ketua DPR.
Manut Puan Maharani, target delegasi sane rauh wenten 1000 diri saking 178 panegara, punika taler sampun kawatesin salami covid – 19. Saking laporan sane wenten, prasida langkungan ring 2000 diri, saantukan kantun pandemi covid – 19 mawinan pamilet kawatesin.
Kawigunan IPU majeng Indonesia, antuk Indonesia ngamiletin Sidang IPU prasida kaanggen galah majeng Indonesia ring kepemimpinan global. Indonesia nenten sangsaya jagi prasida nglaksanayang IPU ka – 144 ring tengahing pandemi covid – 19. Antuk punika, dunia internasional prasida nyantenang Indonesia saha prasida nyihnayang yening Indonesia sayaga manados tuan rumah parikrama internasional puniki. "Yening parikrama puniki mapikolih, Indonesia prasida nyihnayang kaluihan ipun saha prasida ngwangiang Indonesia sajeroning kepemimpinan global ring sakancan widang, "baos Puan.
"Ring salanturnyane asil sidang IPU prasida kaanggen dasar makarya majeng komisi – komisi wiadin BKSAP DPR RI wiadin Parlemen sane wenten ring jagate," pamuput baos Ketua DPR Puan. (Rls/BTNC)
Komentar