Gedung Parkir Kapasitas 1.541 Unit Kendaraan Roda Empat Kawangun Gubernur Koster ring Besakih
- 13 Maret 2023
- 10:03 WITA
- News
KARANGASEM, Balitopnews.com - Kapamucukan Gubernur Bali, Wayan Koster miwah Wakil Gubernur Bali, Tjokorda Oka Artha Ardana Sukawati sajeroning nglaksanayang Program
Pelindungan Kawasan Suci Pura Agung Besakih manut daging visi Nangun Sat Kerthi Loka Bali melarapan Pola Pembangunan Semesta Berencana nyujur Bali Era Baru majanten patut kasanggra becik.
Murdaning Jagat Bali saking Desa Sembiran, Buleleng puniki sampun prasida nglaksanayang Upacara Pemelaspas Fasilitas Kawasan Suci Pura Agung Besakih ring rahina Purnama Kasanga, Soma Umanis, Medangkungan tanggal 6 Maret 2023 pinaka cihna sampun puputnyane pewangunan fasilitas Kawasan Suci Besakih, saha sayaga jagi kawigunayang sajeroning ngicen ayah-ayahan majeng krama Bali utawi Umat Hindu sane tangkil ngaturang bhakti ring Pura sane pinih ageng ring Indonesia, saha pinih ageng ring jagate.
Sajeroning sambrama wacanannyane Gubernur Bali, Wayan Koster ngeninin indik Tatanan Baru ngranjing ring Wewidangan Suci Pura Agung, silih tunggil srana sane kawentenang olih Ketua DPD PDI Perjuangan Provinsi Bali puniki marupa Gedung Parkir Area Manik Mas (Kreta Graha Kulon) ring Besakih
Pemerintah Provinsi Bali ngwangun Gedung Parkir Area Manik Mas puniki antuk genah sane dahat becik, minakadi :
1) Antuk 4 lantai: Lantai Dasar (Paling Atas), B1 (Lantai Bawah 1), B2 (Lantai Bawah 2), miwah B3 (Lantai Paling Bawah 3);
2) Parkir Khusus majeng Kendaraan Roda Empat antuk total kapasitas 1.541 unit, Lantai Dasar
(94 unit), Lantai B1 (376 unit), Lantai B2 (449 unit), Lantai Paling Bawah B3 (507 unit)
3) Pengisian parkir kalaksanayang magilihan mawit saking Lantai Paling Bawah B3, Lantai B2, Lantai B1, miwah Lantai Dasar, perpindahan lantai kalaksanayang risampune lantai sane betenan sampun penuh.
4) Samian lantai kategepin sistem pemantauan digital antuk indikator lampu ring satunggil slot, warna hijau nyihnayang slot kantun wenten saha warna merah nyihnayang slot sampun kadagingin;
5) Suang-suang lantai parkir wenten makudang blok sane kategepin antuk kode blok ring pilar;
6) Wenten srana Tiket Parkir Elektronik ri kala ngranjing wiadin medal saking Gedung Parkir;
7) Wenten srana Toilet ring suang-suang lantai, rumasuk toilet khusus majeng Difabel, sane mabinayan pantaraning anak istri wiadin lanang saha kawentenane, gratis;
8) Wenten tangga wiadib elevator sane ngubungang pantaraning lantai;
9) Wenten Petugas Parkir sane midabdabin kawentenan kendaraan sane ngranjing wiadin medal;
10) Atap gedung parkir nganggen
Panel Listrik Tenaga Surya (PLTS), antuk kapasitas 400 Kwh.
"Kendaraan Roda Empat wantah kadadosang parkir ring Gedung Parkir Area Manik Mas (Kreta Graha Kulon) kemanten, nenten kadadosang parkir ring margine miwah ring genah tiosan sane nenten pinaka genah parkir,” baos
Gubernur Bali, Wayan Koster sajeroning sambrama wacanannyane sane kasanggra becik olih samian angga sane rauh ring Upacara Pemelaspas Fasilitas Kawasan Suci Pura Agung Besakih. (Rls/Btnc)
Komentar