Sékda Déwa Indra Nyanggra Pangrauh Turis Kapal Pesiar
- 24 Februari 2024
- 11:02 WITA
- News
DÉNPASAR,Balitopnews.com - Sekretaris Daérah Provinsi Bali Déwa Madé Indra nyanggra pangrauh MV Azamara Journey sané sandar pukul 13.45 Wita ring Dermaga Cruise Benoa, Saniscara Umanis Sungsang, (24 Fébruari 2024).
Pangrauh kapal pesiar kapertama ri sampun ngmargiang tourist Levy. Kapal puniki dawannyané 181 méter, makta 375 penumpang, lan 390 awak kapal.
Sékda Déwa Indra kasarengin Kepala Dinas Pariwisata Provinsi Bali Tjok. Bagus Pemayun, Ketua PHRI Badung I Gusti Agung Rai Suryawijaya, Sub Regional Head Pelindo Bali Nusra Fariz Hariyoso, GM Pelindo III Regional Bali Nusra, lan Direktur Utama Bank BPD Bali I Nyoman Sudharma nyangggra pangrauh turis malarapan ngalungang sekar swasti prapta lan mapica cinderamata. Daweg punika, Sékda Déwa Indra negesasang indik dudukan (pungutan wisatawan) sané kamargiang nénten ngulgul turis maplesiran. “Majeng turis sané tedun ring Pelabuhan Benoa nénten kasiagayang counter. Nanging pemerintah sampun makanti sareng ship agent antuk dudukan apang ten ngulgul turis,” baos Déwa Madé Indra.
Déwa Madé Indra ngwewehin galah sané kidik, wantukan safe agen pacang ngaluhang ngmargiang pungutan wisatawan. “Wisatawan kapal pesiar puniki nénten maduwé akéh galah, tedun semengan tur mawali ka pakal kala sanja. Malarapan wantuan ship agent anggén idéntifikasi turis sané tedun tur ngmargiang dudukan, indiké puniki ngaluhang pamargi layanan pungutan wisatawan majeng wisatawan sané rauh maplesiran ka Bali,” baos Sékda Déwa Indra. (Rls/Btnc)
Komentar