Sekda Dewa Indra Nyinahang Pidabdab Pemprov Bali Sambut Event Internasional WWF ke-10
- 24 April 2024
- 19:04 WITA
- News
DENPASAR,Balitopnews.com – Bali mawali dados acara bertaraf internasional, inggih punika World Water Forum (WWF) ka-10. Makudang pidabdab kamargiang Pemerintah, sapunika taler Pemprov Bali. Sekretaris Daerah (Sekda) Provinsi Bali Dewa Made Indra taler nyinahang parikrama puniki dados uratian Pemprov Bali.
“Pemprov janten nguratiang pisan parikrama puniki, utaminyane indik kawentenan Bali sane kondusif miwah aman,” baos dane rikala nyelidii Pj. Gubernur Bali S.M. Mahendra Jaya pinaka narawakya kasarengin Kapolda Bali Irjen Pol. Ida Bagus Kade Putra Narendra. S.I.K., M.Si., miwah Pangdam IX/Udayana sane kaseledii olih Kasdam IX/Udayana Brigjen TNI Sachono, S.H., M.Si., M.Tr., sajeeoning Talk Show Program Polri Presisi ring Kompas TV antuk patitis “Pengamanan Optimal di Bali, Siap Sambut World Water Forum Ke-10, ring Gedung Presisi, Polda Bali, Denpasar, rahina Selasa (23 April 2024)
Dane nglanturang anggan dane nganutin teknis pidabdab WWF ke-10 sampun kasayagayang antuk Pemprov Bali, minakadi panyanggra delegasi, pidabdab ring venue utama nyantos site event, nyantos pamargin delegasi budal taler kauratiang Pemprov Bali. “Pamargin opening ceremony pacang kawentenang ring The Meru Sanur, diskusi panel miwah forum ring ITDC Nusa Dua, Gala Dinner ring GWK, miwah pamargin tradisi nyuksemayamg toya malarapan Tumpek Uye pinaka cultural site ring Pantai Kura-Kura, Sanur,” baos Birokrat saking Desa Pemaron, Buleleng punika. Side event salanturnyane kamargiang ring Museum Subak miwah Jatiluwih.
Nganinin kasayagan destinasi wisata, dan taler ngangkenin destinasi popular ring Bali malarapan Dinas Pariwisata miwah Bupati/Walikota mangda sayaga yaning karauhin informal antuk makudang delegasi saking wibaga karesikan, kerapian, ketreptian miwah pelayanan. “Yadiastun titiang andel pisan indike punika sampun kamargiang becik olih destinasi wisata, nanging pamargi punika kakoordinasiang malih” dane ngawewehin.
Sekda Dewa Indra taler andel ring kawentenan hotel-hotel sane sampun sayaga nyanggra parikrama puniki. Manut dane, santukan sampun maderbe standar antuk momot sane inggil, indike punika kakantenang saking pengalaman-pengalaman sane riin ring KTT G20 warsa 2022, KTT AIS 2023 nyantos pamargin event internasional tiosan. “sane mangkin swadharmam iraga wantah nyobiahang majeng masyarakat yata majalaran media cetak, digital nyantos dura negara santuka Bali pinaka tuan rumah acara WWF. Panyiuan wisatawan, tamu VVIP miwah VIP pacang rauh, sane maderbe wasana becik majeng pariwisata miwah perekonomian Bali salanturnyane , mawinan sakadi sane riin krama Bali pastika pacang nyanggra becik,” dane nguntatin.
Samalihnyane saking keamanan, Kapolda Bali Irjen Pol. Ida Bagus Kade Putra Narendra miwah Kasdam IX/Udayana Brigjen TNI Sachono maosang makudang pidabdab sane kamargiang antuk gabungan TNI/Polri. Kapolda Bali maosang pacang nedunang 5.791 personel gabungan saking Mabes Polri, Polda Bali nyantos Polda Jatim. “Nenten rauh irika titiang taler mabaosan sareng satgas pengamanan miwah stakeholder tiosan,” baos dane. Tios punika, Polri taler sareng ngemit tamu VVIP miwah VIP ring jalan raya.
Samalihnyane TNI manut Kasdam IX/Udayana Brigjen TNI Sachono sampun 85%. Sajeroning tingkat pengamanan miwah pengawalan tamu VVIP lan VIP kamargiang paspampres antuk koordinasi sareng anggan dane. Tios punika, TNI/Polri sampun nyayagayang mitigasi kebencanaan nyantos kerusuhan sane kakantenang prasida mayanin parikrama punika. (Rls/Btnc)
Komentar