Optimalisasi Keuangan Daerah, Gubernur Koster Nyokong Nyimbarang Pembayaran Nontunai
- 08 November 2019
- 03:00 WITA
- News
Balitopnews.com,Denpasar
Murdaning Jagat Bali Wayan koster ngiceni uratian pinih sumsken majeng ring upaya ngslisang lan nyimbarang implementasi transaksi nontunai angge mengoptimalisasi pengelolaan keuangan daerah. Indike puniki kekantenan rikala Gubernur Koster mukak Paruman Koordinasi Nasional Implementasi lan Evaluasi Pembayaran Non Tunai makasami Pemerintah Daerah ring sejebag Indonesia ring Hotel Prama, Sanur, rahina Weraspati (7/11).
Manut Gubernur Bali Koster, Pemerintah Provonsi Bali ngawit 1 Januari 2018 sampun mepalihan ngemargiang implementasi transaksi nontunai ring sajeroning ngawigunang keuangan daerah. Duaning indike puniki manut sekadi Peraturan Pemerintah Nomor 12 warsa 2019 indik ngawigunang utawi pengelolaan Keuangan Daerah lan Instruksi Presiden RI Nomor 10 warsa 2016 indik Aksi Pencegahan lan Pemberantasan Korupsi.
Koster negesang, implementasi transaksi nontunai punika nujuang lan nyihnayang Provinsi Bali dahat sumeken nyokong elektronifikasi. Sinalihtunggilnyane angge nyujur visi lan misi Nangun Sat Kerthi Loka Bali medasar Pola Pembangunan Semesta Berencana nyujur Bali era baru sane tetujonnyane nyujur sistem tata kola pemerintahan daerah sane efektif, efisien, terbuka, transparan, akuntabel lan bersih. Taler nincapang pelayanan pubolik terpadu sane gelis lan murah.
Kawewehin, transaksi nontunai ring Bali dahat kabuatang sawireh pinaka sinalih tunggil potrnsi pendapatan sane wenten ring kabupaten lan kota mawit saking pajak hotel lan restoran.
Dane taler nelisik pungkuran puniki akeh torise rauh ke Bali sayan nincapang, nanging saking polihpolihan mejanten nedunag. Dadosne pastika wenten sane tan manut. Kewala ring dija keiwangannyane kari kaselehin. Manut Koster sane taler pinaka Manggala DPD PDIP Bali punika maosang, sinalih tunggil faktor angge ngawigunang wantah ngangge nerapang teknologi sekadi punika, mangda transaksi kemargiang ngangge nontunai.
Selanturnyane Koster negesang, Pemprov Bali ngicen apresiasi marep Bank Indonesia lan Bank Pembangunan Daerah (BPD) Bali sane selami puniki sampun nyokong taler memfasilutasi angge nyumekenang implementasi transasksi nontunai ring ngawigunang keuangan daerah kantos sida memargi antar.
Ring galah punika Murdaning Jagat Bali Wayan Koster secara langsung ngelaksanayang trasaksi ngangge sistem pembayaran QRIS sane kakembangan Bank Indonesia. Ngangge sisteme punika, pembayaran presida ngancan aluh wantah ngelaksananyang scan QR code antuk aplikasi ring ponsel sane pawikan.
Manut Direktur Eksekutif Departemen Kebijakan Sistem Pembayaran BI, Pungky Punomo Wibowo, sistem punika kawekasan jagi katerapang ring makudang kudang lini, sekadi ring pajak hotel lan restoran.
Dane ngelanturang, rikala mangkin minabang makesami krama maduwe ponsel sane wikan. Manutnyane, antu sistem punika, transaksi dadosnyane sayan transparan, efektif, lan efisien. (Balitopnews.com/WM/Hms)
Komentar