Wagub Cok Ace Apresiasi. Sepengrauh Pusat Kreativitas lan Kebugaran Lannsia
- 09 November 2019
- 17:25 WITA
- News
Balitopneews.com, Denpasar
Wakil Gubernur Bali Tjokorda Oka Artha Ardhana Sukawati utawi sane ketah kesapa Cok Ace nyanggra becik sepengrauh pusat kreativitas lan kebugaran lansia. Dane ngaptiang selanturnyane mangda sayan ngakehang malih wenten genah-genah sane pateh angge genah para lansiane.
Indike punika kepanikayang rikala ngungkab acara Hovi Club Senior Care From Finland Miranda Park sane megenah ring Margo Teuku Umar, Denpasar, Rahina Weraspati, (7/11) lintang.
Manut Cok Ace, kawentenan lansia ngedotang uratian sane sumeken sepemargi sareng penincapan akehnyane. Indike punika pinaka sinalih tunggil dampak sakeng kabecikan wewangunan ring widang kewarasan inggih punika nincapnyane tuwuh maurip kramane. Manut data Riskesdas 2007, tuwuh pengapti maurip ring Indonesia nincap sakeng 68,6 warsa ring warsa 2004 menados 70,6 ring warsa 2010. Rinh warsa 2014 nincap malih menados 72 warsa. Kawentenan punika ngeranayang wentennyane penincapan akeh penduduk lansia. Manut polihan sensus penduduk lintang yusa ring Indonesia inggih punika 18,4 yuta jiwa utawi 7,6 persen saking total makeh penduduk.
Wagub Cok Ace nyambatang, sinalih tunggil pikobet sane kepanggihin lansia wantah rumasa sepi riantuk okan-okannyane sami tuyuh ngerereh pengupajiwa. Duaning asapunika, dane narka kawentenan pusat kebugaran lan kreativitas sekadi punika kabuatang pisan, khususnyane majeng para lansia ring kota. Manut dane, ring genah sekadi punika, para lansia sida kacunduk sareng semeton sane sepantara taler pateh kasenengannyane. Siosan ring punika, keluargannyane rumasa tenang yening reramannyane sampun magenah ring genah sane sida ngicenin manah sane nyaman.
Sementara punika, Komisaris Rumah Sakit Kasih Ibu Krisnha Weda Duarsa nyobyahang, pikobet sane kapanggihin para lansiane wantah rumasa sepi, indike punika sane nyokong ragannyane ngewangun pusat kebugaran lan kreativitas sane kabuatang wantah majeng ring para lansia. Antuk mekudang kudang preserana sane ketanjang, dane ngajakin para lansia ring Bali mangda sayan aktif. Pusat kebugaran sane kewangun punika pinaka kerjasama Hovi Club Finlandia. Praserana sane Keranjang minakadi korsi relaksasi, ruang karaoke, dance lan sensory room. Pengungkaban pusat kebugaran lan kreativitas lansia kecihnain antuk ngetep rangkaian bunga olih Wagub Cok Ace kasarengin Dubes Finlandia untuk Indonesia Mr. Jari Sinkari. Wagub Cok Ace polih nyingak makudang-kudang Praserana sane ketanjaang rikala ngawentenang pecacingakan. (Balitopnews.com/wm/rls).
Komentar