Pemkab Tabanan Rayakan HKN sane Kaping 55 ring Gedung Kesenian I Ketut Maria
- 13 November 2019
- 21:23 WITA
- News
Balitopnews.com, Tabanan
Pemerintah Kabupaten Tabanan melalui Dinas Kesehatan, memperingati Hari Kesehatan Nasional (HKN) sane kaping 55, sane ngangge tema " Generasi Sehat Indonesia Unggul" ring Gedung Kesenian I Ketut Maria Tabanan, rahina Buda (13/11).
Rikala nyanggra HKN sane keperingatin nyabran pinanggal masehi 12 November punika kerentebin antuk mekudang kudang acara, diantarannyane: Seminar serahina, Bhakti Sosial ring Panti Anak lan Panti Werda sane wenten ring Tabanan, Tirta Yatra, Jalan Santai, Germas, lan pinakan puncak acara kedagingin Dharma Wecana sakeng Dalang sane sampun kasub ring Bali wantah Dalang Cenk Blonk), taler kecihnain antuk pemotongan tumpeng.
Pemotongan tumpeng kemargiang olih Asisten Perekonomian lan Pembangunan Sekda Kabupaten Tabanan A. A. Dalem Tresna Ngurah. Asisten Administrasi Umum Sekda Agus Harta Wiguna, Manggala Dinas Kesehatan I Nyoman Suratmika, taler kasaksiang OPD ring wewidangan Pemkab Tabanan.
Sadurungnyane, Asisten Perekononomian lan Pembangunan Sekda Kabupaten Tabanan A. A. Dalem Tresna Ngurah ngewacen sambrama wecana Menteri Kesehatan RI. Ring sambramawecanan dane Menteri Kesehatan mawosang tema HKN kadi mangkin wantah "Generasi Sehat Indonesia Unggul" sekadi sane sampun keamanatang olih Presiden ring pelantikan kabinet Indonesia Maju 2020.
"Ngenenin indik uratian pemerintah ring pantaring masa limang warsa sane jagi rawuh, kaucukang ring wewangunan sumber daya manusia (SDM), " teges dane.
Negesang ondik arahan presiden, lantur Tresna Dalem, maparang ngenenin indik makekalih isu kewarasan kebawosang sane mesti kapuputang mapaiketan wewangunan SDM sane berkwalitas, inggih punika indik "Stanting lan Jaminan Kesehatan Nasional. Sios ring punika, taler wenten mekekalih isu sane patut keatasin inggih punika, tegehyane pengajin obat lan lan piranti kesehatan, taler kantun andapnyane ngangge piranti kewarasan sane kekaryanin ring dalam negeri.
"Makesami pariindikan punika jagi keangge tetuwek uratian iraga sareng sami gumanti sida digelis karerehang pemargi lan solusinyane,"wewehnyane.
Ring galah punika taler kemargiang Deklarasi STBM lan ODF/Stop BABS olih 8 Desa ring Tabanan, lan penyukserahang Penghargaan Desa ODF lan STBM majeng Sanitarian Puskesmas, sane akehnyane 11 diri. (Balitopnews.com/vodoo/hms).
Komentar