Bupati Eka sareng Forkopimda Ngerauhin Rakornas Indonesia Maju 2019
- 14 November 2019
- 19:37 WITA
- News
Balitopnews.com,Bogor
Bupati Tabanan Ni Putu Eka Wiryastuti sareng makasami Forum Komunikasi Pimpinan Daerah (Forkompinda) Kabupaten Tabanan ngerauhin Rapat Koordinasi Nasional (Rakornas) Indonesia Maju Pemerintah Pusat lan Forum Komunikasi Pemerintah Daerah (Forkopimda) 2019.
Acara sane kapusatang ring Sentul International Convention Center (SICC), Bogor, Jawa Barat, Rahina Buda, (13/11) , Kabungkah olih Presiden Republik Indonesia Joko Widodo lan kerauhin para Manggala Lembaga, Menteri, Gubernur, Bupati/Walikota, Forkompimda lan Manggala DPRD.
Ngawitin sambramawecanan dane, Presiden Jokowi nyambatang indik peparuman punika peparuman sane pinih jangkep sane kerauhin unsur pemerintah pusat lan daerah. Presiden taler ngaptiang mangda pemerintah pusat lan pemerintah daerah sida masikian sane becik gumanti sida nyuksesang agenda Bangsa Indonesia sane ageng.
Presiden RI meled mangda sinamian sida nyambung lan masikian dados asiki garis sakeng pusat kantos ke daerah. Presiden mawosang, ngawigunang panegara sane dahat ageng lan jimbar sekadi Indonesia puniki, nente ja aluh, matiosan sareng panegara sane lianan. Akeh penduduknyane kemanten mangkin sampun 267 yuta, akeh pulaunyane 17 tali pulau, makehnyane budaya, suku, agama, taler sayan kompleknyane ngunakayaang penegara seageng Indonesia puniki.
Rikala punika Menteri Dalam Negeri (Mendagri) Tito Karnavian ring laporannyane, nyobyahang indik rakornas punika kerauhin olih 2.693 pamilet minakadi Manggala Daerah, DPRD, Kepolisian, Kejaksaan, lan TNI. Acara puniki ngangge tema "Sinergi Pelaksanaan Lima Prioritas Pembangunan Nasional untuk Mewujudkan indonesia Maju"
Manut sekadi sane sampun kauningin, rikala pelantika Presiden lan Wakil Presiden 2019 - 2024 daweg 20 Oktober 2019 lintang, Presiden Jokowi nyobyahang lelima visi ageng sand jagi kekaryanin ring pemerintahannyane selami limang warsa sane jagi rawuh kesarengin Wakil Presiden Ma'ruf Amin. Ngenenin indik punika acara punika kemargiang antuk tetujon negesang visi Prwsiden lan Wakil Presiden taler nyikiang pikayunan utawi persepsi visi wewangunan pemerintah pusat lan daerah.
Acara rakornas sane memargi serahina punika kabungkah Presiden Jokowi lan kasineb olih Wakil Presiden Republik indonesia K.H. Ma'ruf Amin. (Balitopnes.com/vodoo/rls).
Komentar