Pikolih Sampel 100 Diri , 90 Negatif Covid-19 lan 10 Positif
- 30 Maret 2020
- 22:03 WITA
- News
Balitopnews.com, DENPASAR - Pemerintah Provinsi Bali melarapan Satgas Penanggulangan Covid-19, nyobyahan indik Plpenanggulangan corona virus disease (Covid-19) ring Provinsi Bali, Redite ( 29 Maret 2020).
Manggala Satgas Penanggulangan Covid 19 Provinsi Bali, Dewa Made Indra nguningan kantos rahina manhkin kasus Pasien Dalam Pengawasan (PDP) makeh nyane 141 diri.
"Saking 141 sampel sane sampun kauji, sampun medal pikolih sampel 100 diri inggih punika 90 diri negatif, 10 diri positif, antuk baos tiosan wenten malih adiri positif WNI," baos Dewa Indra.
Dane negesan, uget-uger pinih anyar sane kaambil wantah paiguman Gubernur Bali lan Majelis Desa Adat Provinsi Bali mangda nangian Satgas gotong royong nambakin Covid-19 mabasis Desa Adat. Desa Adat medue linggih utama anggen nyarengin nambakin pandemi covid-19 ngelalah.
Saking pinanggal 27 Maret kantos mangkin, Pekerja Migran Indonesia sane sampun kakekeb ring Bapelkesmas lan BPSDM sampun ngelaksanayang rapid test lan kabaos negatif makeh nyane 177 diri. Antuk rerinci ring UPT. Bapelkesmas 70 diri lan ring BPSDM 107 diri.
Pinaka Satgas dane ngelingin kramane sane wau budal saking dura negara lan saking jejaban mangda ngekeb angga mandiri ring pakubon suwang-suwang paling kedik 14 rahina manut protokol ngekeb angga.
Manut pedoman kerahasiaan dan perlindungan data nambakin COVID-19 inggih punika data pasien utama nyane indik data angga inggih punika cecihnan angga sekadi aran, genah, nomor telepon lan data angga sane presida nyihnayang i krama lan kulawargane nenten dados kasobyahan majeng anak tiosan.
Satgas nangian krama Bali makasami mangda setata waspada lan nincapan kawaspadan santukan pengelimbak covid-19 ngangsan nincap. Covid-19 nenten patut kaucap dangan.
Krama taler katunas mangda setata nyarengin paling saking pemerintah midabdabin linggih anggen ngirangin nampek angga apisanan ngirangin geginan ring jaba.
"Majeng krama makasami mangda setata trepti lan percaya majeng Pemerintah Pusat, Pemerintah Daerah (Provinsi, Kabupaten / Kota), unsur TNI, Polri lan lembaga-lembaga tiosan sane gotong royong ngelaksanayang upanaya nambakin kawentenan virus Covid-19," dane nyineb. (Balitopnews.com/md/rls)
Komentar