Eksekutif miwah Legislatif Provinsi Bali Saling Sokong Maosang 2 Raperda Dados Perda
- 01 April 2024
- 21:04 WITA
- News
DENPASAR,Balitopnews.com - Panampen Gubernur majeng 2 (kalih) Rancangan Peraturan Daerah (Raperda) inggian Raperda Inisiatif Dewan indik Pemberian Insentif dan Kemudahan Investasi miwah Raperda Provinsi Bali tentang Pengarusutamaan Gender sane kaunggahang ring sidang Paripurna ka ping - 4 DPRD Provinsi Bali, Soma (25 Maret 2024) , polih panampen positif saking makasami Pimpinan miwah Anggota DPRD Provinsi Bali mangda kalanturang pinaka silih tunggil Produk Hukum Daerah.
Indike punika kasinahang ring Sidang Paripurna ka ping-6 DPRD Provinsi Bali Masa Persidangan I Tahun Sidang 2024 antuk unteng Panampen utawi Tanggapan Dewan indik Panampen Gubernur majeng Raperda Inisiatif Dewan indik Pemberian Insentif dan Kemudahan Investasi, miwah Raperda Provinsi Bali indik Pengarusutamaan Gender, ring ruang Sidang Utama Kantor DPRD Provinsi Bali, Soma Pon Pahang, 1 April 2024.
Pj. Gubernur Bali Sang Made Mahendra Jaya sane rauh kadampingin antuk Sekretaris Daerah (Sekda) Provinsi Bali Dewa Made Indra nguratiang Penyampaian Tanggapan Dewan. Kakwitin saking Penyampaian Tanggapan Dewan indik panampen utawi Pendapat Gubernur majeng Raperda Inisiatif Dewan tentang Pemberian Insentif dan Kemudahan Investasi, sane kawacen olih I Kade Darma Susila, SH.
Dane ngunggahang, Dewan igum Raperda punika kaunggahang dados Produk Hukum Daerah sane matetujon; Ngicenin kepastian hukum indik Pemberian Insentif dan Kemudahan Investasi majeng Badan Usaha Pembangunan dan Pengelolaan (BUPP), Pelaku Usaha, Masyarakat dan/atau Investor; miwah dados dasar kebijakan Pemerintah Provinsi sajeroning Pemberian Insentif dan/atau Kemudahan Investasi sane ngwantu nglimbakang usaha mikro, kecil, menengah, miwah koperasi.
"Utsaha Pemerintah Provinsi sajeroning nincapang penanaman modal majalaran Pemberian Insentif dan/atau Pemberian Kemudahan Investasi kepada BUPP, Pelaku Usaha, Masyarakat dan/atau Investor kaangkenin kantun alit, bilih karasayang kontra produktif. Indike punika kacihnayang antuk Peraturan Daerah indik Pajak Daerah dan Retribusi Daerah sane meratin angga pelaku usaha saha Investor sane ngawinang daya saing Provinsi miwah nasional ring widang investasi durung becik," baos dane.
Samalihnyane, Dr. I Gusti Ayu Diah Werdhi Srikandi Wedasteraputri Suyasa, SE, MM sane ngwacen Penyampaian Tanggapan Dewan majeng Raperda Provinsi Bali indik Pengarusutamaan Gender (PUG), taler maosang parindikan sane pateh.
Baosa dane, Dewan ngangekenin PUG sajeroning pembangunan daerah silih tunggilnyane matetujon: Ngawentenang pembangunan sane Responsif Gender antuk ngwentenang paiketan utawi mengintegrasikan Perspektif Gender ring proses pembangunan kakawitin saking perencanaan, penganggaran, pelaksanaan, pemantauan, evaluasi, pengawasan miwah pelaporan ring Daerah; Ngwentenang program kegiatan sane Responsif Gender ring wawidangan Pemerintah Daerah; saha Nicapang peran miwah kemandirian lembaga sane ngangganin pemberdayaan perempuan
"Nganinin Raperda Provinsi Bali indik PUG, mangda prasida kalanturang sajeroning pembahasan miwah penajaman ri kala rapat gabungan salanturnyane, kamargiang malih apisan Perangkat Daerah terkait miwah organisasi saha lembaga masyarakat sane urati ring Kesetaraan Gender miwah peduli Anak,"(Rls/Btnc)
Komentar