Pandemi Covid-19, PKB XLII Warsa 2020 Nenten Kawentenan
- 31 Maret 2020
- 19:03 WITA
- News
Balitopnews.com, DENPASAR - Pesta Kesenian Bali ( PKB ) XLII warsa 2020 nenten kawentenan antuk tetujon nambakin kawentenan Covid 19. Indik punila kaodar ring Sewalapatra Piuning Gubenur Bali nomer: 430/ 3287/ Sekret/ DISHUB pinanggal 31 Maret 2020.
Ring Sewalapatra Piuning Parikrama PKB XLII warsa 2020 nenten kawentenan sane katuju majeng pare Bupati/ Walikota se-Bali, wenten indik-indik sane dados tetimbang inggih punika : pewarah lan uger-uger Presiden RI mangda pemerintah lan pemerintah daerah nguleng nambakin covid 19. Data pengelimbak covid 19 ring sami panegara, taler Indonesia ngangsan makeh. Raris pendemi covid 19 durung presida kapastikayang mapih pidan kaon. Dadosne saking psikologis kirang becik majeng krama.
Raris PKB XLII warsa 2020 sane karencanayang kemargiang ring pinanggal 13 Juni kantos 11 Juli 2020 dahat nampek sareng wates galah Masa Tanggap Darurat Nasional antuk kawentenan Covid 19 inggih punika pinanggal 29 Mei 2020.
Gubernur Bali Wayan Koster sedurunge taler sampun ngemolihan pikayun saking pare Bupati/ Walikota se-Bali sane igum mangda nenten ngawentenan
PKB XLII warsa 2020.
“Titiang nunas majeng kramane mangda ledang antuk paiguman sane kaambil antuk manah abot lan titiang ngemastikayang warsa 2021 PKB pacang ngangsan ramia saking warsa-warsa sedurunge,” Gubernur Koster nyineb. ( Balitopnews.com/gix)
Komentar