PKK Mangda Urati Nyobyahan Nambakin Virus Corona
- 03 April 2020
- 20:04 WITA
- News
DENPASAR, Balitopnews. com - Manggala TP PKK Provinsi Bali Putri Suastini Koster nunas PKK urati nyobyahan nambakin kawentenan Virus Corona. Indik punika kaodar Putri Suastini Koster, ring Denpasar, Sukra, 03 april 2020.
Putri Suastini Koster nguningan, ring upanaya nambakin kawentenan Virus Corona, PKK mangda urati nyobyahan indik upanaya nambakin virus utawi nyobyahan awig miwah pakeling saking pemerintah sane kaunggahang ring media sosial. Rikala kawentenan Virus Corona puniki, Putri Koster taler nunas mangda kramane nenten gresyuh lan igum sareng pewarah saking pemerintah. Pemerintah sampun ngambil pemargi makeh lan ngambil uger antuk upanaya nambakin virus Covid-19 puniki ngelalah.
"Ritatkala pemerintah mekarya, kaaptian pengerestiti saking kramane mangda igum lan nuut awig punika. Uger lan awig sami sane kaambil olih pemerintah sampun kamanahin antuk nyuryanin saking mailehan anggen kabecikan lan kerahayuan krama Bali," baosne.
Manggala TP PKK Bali taler nangian pare istri mangda wikan milih orti indik Covid-19 lan nenten gelis ngedum orti sane kapolihan sakemaon nenten uning kepatutan saking orti punika.
"Antuk kawentenan gering Corona puniki, makasami mangda sagilik-saguluk salunglung sabayantaka, paras paros sarpanaya. Mangkin boya galah patut saling ngiwangan," dane ngawewehin.
Putri Koster taler nangian kramane mangda setata ngarestiti antuk kawentenan gering corona puniki.
"Titiang ngemastikayang antuk pangarestiti sane lascarya miwah nuut lan kauratian kramane nyarengin pakeling miwah uger-uger pemerintah, iraga pacang presida medal lan mahardika saking Virus Corona puniki," sineb dane. (Balitopnews.com/gix/rls)
Komentar