Sekda Dewa Indra Nyawis Bebaosan Kadishub Denpasar Indik Penedunan PMI ring Pelabuhan Benoa
- 17 April 2020
- 20:04 WITA
- News
DENPASAR,Balitopnews.com -Sekretaris Daerah Provinsi Bali sane taler pinaka Ketua Harian Gugus Tugas Percepatan Penanganan Covid-19 Provinsi Bali Dewa Made Indra nyawis wewartan ring media indik bebaosan Kepala Dinas Perhubungan (Kadishub) Denpasar I Ketut Sriawan indik sapangrauh Pekerja Migran Indonesia (PMI) ring Pelabuhan Benoa, Denpasar.
Ring penyawis dane, Kadishub Denpasar I Ketut Sriawan, Respati (16/4) maosan sepatutne sami PMI sane wau budal saking dura negara tedun ring Pulau Nipah, Tanjung Balai Karimun lan Pulau Galang, Kepulauan Riau, boya ring Pelabuhan Benoa. Sriawan maosan sepatutne ring parindikan mudalan
PMI sane saking Bali, dane sampun ngerembug sareng pemerintah provinsi lan makasami ngepah amongan.
Indik puniki, Sekda Dewa Indra nguningan ring Respati (16/4) duk matemu sareng juru warta nyobyahang indik pemargi Gugus Tugas Covid-19 ring Denpasar. Dewa Indra ngaptiang bebaosan sane kamedalan Kadishub Denpasar punika nenten patut. Sakemaon yening sekadi punika bebaosan sane kamedalan kaucap Dewa Indra nenten patut.
“Yening sekadi nika, kaucap nenten patut. Asiki OPD (organisasi perangkat daerah) nulak paiguman nasional,” baosne.
Manut Dewa Indra, mudalan Pekerja Migran Indonesia (PMI) utawi Anak Buah kapal (ABK) ngangge kapal pesiar sane tedun ring Pelabuhan Benoa pinaka paiguman Gugus Tugas Nasional. Sane kabaos Dewa Indra sampun kabaosan olih pare manggala pemerintahan. Gubernur Bali kabaosan Dewa Indra sampun mebaosan lan ngerauhan sewalapatra majeng Ketua Gugus Tugas Nasional. Kawewehin, pinaka aparat, amonganne wantah ngemargiang pituduh.
"Yening ring provinsi wenten sane pakrimik sekadi punika, sepatutne pastika ngambil pemargi tegas, santukan nika iwang. Sapunapi minab Kepala Dinas nulak awig pemerintah pusat,” baosne.
Dewa Indra ngawewehin, nedunan ABK ring Pelabuhan Benoa pinaka paiguman nasional lan sampun kemanahin saking makudang aspek. Munggwing asapunika, dane nangian makasami mangda sareng ngelaksanayang paiguman punika. (Balitopnews.com/md/rls)
Komentar