208 ABK Kapal Pesiar Spectrum of the Seas Rauh ring Benoa, Makasami Negatif
- 18 April 2020
- 21:04 WITA
- News
DENPASAR,Balitopnews.com - 208 ABK Kapal Pesiar Spectrum of the Seas, rauh ring Pelabuhan Benoa Saniscara (18 April 2020) galah 09.30 wita. Saking panureksan rapid test, makasami ABK kaucap negatif.
Dewa Made Indra Ketua Harian Gugus Tugas Percepatan Penanganan Covid-19 Provinsi Bali negesan, ABK makasami makehne 208 diri sane kakepah antuk 123 diri ABK Bali lan 85 diri ABK boya saking Bali. Pikolih saking rapid test makasami kabaos nenten reaktif utawi negatif.
Malih kategesan, ABK saking Bali pacang kasanggra olih Satgas kabupaten/kota raris kakekeb suwe nyane 14 rahina ring kabupaten/kota suwang-suwang. ABK sane nenten saking Bali kajujur nuju bandara Ngurah Rai mangda mewali ke genah nyane manut galah tiket suwang-suwang. Sapangrauh ABK puniki pinaka sane kaping tiga saking papat sane karencanayang lan kantos puniki makasami ABK sane budal saking pelabuhan Benoa makasami negatif (non reaktif) pikolih rapid tes.
Dewa Made Indra Ketua Harian Gugus Tugas Percepatan Penanganan Covid-19 ngemanggalaning panedunan asatusan ABK rahinane mangkin kaabih Kalaksa BPBD, Kadis Perhubungan, Kadis Kesehatan lan Kasat Pol PP, Dir. RSJ, masikian sareng danlanud Benoa, Kepala KKP lan Kepala KSOP miwah angga Pelindo. (Balitopnews.com/gix)
Komentar