Gubernur Bali, MDA lan PHDI: Sampunan Nulak Genah Ngekeb PMI
- 18 April 2020
- 21:04 WITA
- News
DENPASAR, Balitopnews.com - Gubernur Bali, Majelis Desa Adat lan PHDI Bali ngaryanin pakeling masikian sane sinalih tunggilne nangian mangda makasami angga krama Bali nenten nulak genah ngekeb PMI.
Gubernur Bali Wayan Koster ring rumah jabatan, Jaya Sabha, Saniscara (18 April 2020 ) nangian kramanne ngunggahang kemanusan, metata titi, menyama braya, parasparos lan ngewangun pasikian antuk manah suka-duka ring semeton Bali manut antuk keluhuran budaya Bali.
Wayan Koster taler ngelingin mangda kramane nyarengib pakeling lan pituduh mangda setata meneng ring pakubonan, makarya, melajah ring pakubonanan lan ngewatesin geginan ring jejaban miwah ngewatesin genah ramia. Yening wenten sane kasaratan lan patut medal mangda ngangge masker, saling maedohan lan nganutin Perilaku Hidup Bersih dan Sehat (PHBS).
"Titiang nangian krama Baline mangda setata nyarengin orti sane rauh saking Gugus Tugas Percepatan Penanganan Covid-19 Pemerintah lan Pemerintah Daerah, antuk nenten gelis ngugu orti mauk (HOAX), nenten gelis kebongbong olih jatma-jatma sane nenten bertanggung jawab,” sineb Gubernur Koster. (Balitopnews.com/gix)
Komentar