Satgas Covid-19 Nureksa Laboratorium RS PTN UNUD
- 23 April 2020
- 16:04 WITA
- News
DENPASAR, Balitopnews.com - Ketua Harian Gugus Tugas Percepatan Penanganan COVID-19 Provinsi Bali Dewa Made Indra nureksa laboratorium sane pacang kaangge ngemargiang uji spesimen SWAB antuk metode PCR ring laboratorium RS Universitas Udayana lan laboratorium Fakultas Kedokteran Warmadewa, Respati (23/4).
Duk ngerauhin RS PTN UNUD Sekda Dewa Indra sane kaabih Kepala Dinas Kesehatan Provinsi Bali dr. Ketut Suarjaya maosan amangkinan Provinsi Bali wau medue asiki laboratorium tes PCR ring RS Sanglah.
"Santukan kantun wenten eskalasi kasus sane kantun nyihnayang durung mararian mawinan kawentenan laboratorium asiki punika kamanah kirang, punika mawinan titiang ngutsahayang ngawewehin lan laboratorium Universitas Udayana puniki kasayagayang anggen nika,” baos Sekda Dewa Indra.
Dane maosan, makehan alat laboratorium ring RS PTN UNUD sampun rauh lan kapasang.
"Titiang ngaptiang laboratorium Universitas Udayana puniki presida gelis mangge mangda uji spesimen swab puniki presida ngangsan makeh kemargiang kantos presida ngemastikayang semeton sane PDP utawi sane kantun katambanin ring rumah sakit status dane napi positif Covid-19 utawi nenten, yening nenten positif Covid-19 miwah kenak pacang presida gelis kaater ke pekubonanne lan nenten malih katambanin ring RS,” baosne.
Manut Dewa Indra indik puniki mabuat angge ngeterang sirkulasi penanganan pasien ring rumah sakit.
"Ngangsan makeh ngangsan gelis uji-uji lab kalaksanayangrraris sirkulasi rumah sakit taler ngangsan gelis kantos iraga nenten jagi nyayagayang RS makehan, asapunika taler antuk kawentenan APD presida iraga teetang. Saking panureksan titiang semeng puniki 95 persen laboratorium Universitas Udayana sampu sayaga. Sane limang persen malih ngerauhan kalih kit manten sane sampun wenten ring Jakarta lan gelis kabakta meriki mangda gelis kaangge,” Dewa Indra nyineb. (Balitopnews.com/gix)
Komentar