Pasien Covid 19 Kenak Maweweh 13 Diri
- 25 April 2020
- 21:04 WITA
- News
DENPASAR, Balitopnews.com - Pemerintah Provinsi Bali, melarapan Gugus Tugas Percepatan Penanganan Covid-19, polih maosan indik kawentenan covid-19 ring Provinsi Bali, Saniscara (25 April 2020) makasami pasien positif 183 diri.
Ketua Harian Gugus Tugas Percepatan Penanganan COVID-19 Provinsi Bali Dewa Made Indra maosan saking 183 diri, maweweh 6 WNI, inggih punika adiri PMI, adiri palelungan dura Bali lan 4 diri transmisi lokal. Pasien sane kenak 70 diri (maweweh 13 diri WNI, minakadi 12 diri PMI lan adiri krana nenten PMI). Pasien sane padem 4 diri.
Pasien positif kantun katambanin (kasus aktif) 109 diri sane wenten ring 12 rumah sakit, lan kakekeb ring Bapelkesmas lan Wisma Bima.
"Astungkara, pasien sane kenak maweweh malih. Ngiring iraga ngarestiti sareng-sareng lan ngemargiang sane pinih becik mangda pandemi covid-19 puniki gelis ical," sineb dane.(Balitopnews.com / gix)
Komentar