Nambakin COVID-19, Gubernur Nitahang Pendataan Mekarya Cakupan Mabasis Desa Adat
- 26 April 2020
- 20:04 WITA
- News
DENPASAR, Balitopnews.com - Gubernur Bali Wayan Koster mewali ngambil pemargi strategis antuk upanya nambakin antuk kawentenan COVID-19 ring Provinsi Bali. Nulad saking kawentenan cakepan ping ungkur sane nyihnayang indik kasus positif COVID-19 ring wewidangan Bali makehan olih imported case inggih punika 78,15 persen, Gubernur Koster nincapang ngaryanin cakepan Pekerja Migran Indonesia/Anak Buah Kapal (PMI/ABK) lan krama ring desa adat. Nyurat cakepan PMI/ABK lan krama mabasis desa adat kamunggahangring Instruksi Gubernur Bali Nomor 412.2/2018/PPDA/PMA Tentang Pendataan Pekerja Migran Indonesia /Anak Buah Kapal lan krama ring desa adat rikala nambakin antuk kawentenan COVID-19 ring Bali.
Sane dados pikayun kamedalan instruksi puniki inggih punika olih pangelimbak COVID-19 sane ngangsan makehan lan nyimbaran dadosne mangda kawaspadain lan katambakin antuk ngaryanin cakepan majeng PMI/ABK miwah krama saking provinsi tios dura Bali sane wenten ring wewidangan desa adat. Cakepan punikie matetujon anggen ngelaca-laca minab presida ngelimbakne COVID-19 dadosne gelis katambakin.
Instruksi Gubernur puniki katuju majeng walikota lan bupati se-Bali miwah bendesa adat utawi kaucap tiosan sane magenah ring sejebag jagat Bali. Instruksi madaging pitung parindikan. Kapertama, ngaryanin cakepan majeng PMI/ABK krama Bali, rauh saking dura negara saking pinanggal 1 Februari 2020 kantos pinanggal 13 April 2020, sane wenten ring wewidangan desa adat. Ngaryanin cakupan taler kelaksanayang majeng krama (krama desa adat, krama tamiu lan tamiu) rauh saking provinsi dura Bali sane wenten ring wewidangan desa adat.
Kelanturan kaping kalih, gubernur nitahang bandesa adat nunas Satgas Gotong Royong mangda ngaryanin cakepan. Ketiga, bendesa adat utawi kaucap tiosan nitahanh prajuru banjar adat utawi kaucap tiosan ring wewidangan desa adat mangda ngewantu Satgas Gotong Royong mangda ngaryanin cakepan memargi antar labda karya.
Kelanturang kaping pat, walikota lan bupati se-Bali katunas mangda perbekel/ lurah masikian sareng bendesa adat utawi kaucap tiosan rikala mekarya cakepan.
Kaping lima, bendesa adat utawi kaucap tiosan lan perbekel/ lurah mangda ngewantu Satgas Gotong Royong rikala mekarya cakepan.
Kaping nem, medaging pulah palih mekarya cakepan. Cakepan kamunggahang antuk online ring website https://hmc.baliprov.go.id/internal/pmi. Sakemaon majeng desa adat sane meweh ngakses internet, mekarya cakepan presida kemargiang antuk nagingin formulir cakepan sane kamunggah ring Lampiran I lan Lampiran ll Instruksi Gubernur puniki.
Desa adat sane sampun puput ngelaksanayang mekarya cakepan mangda ngirim cakepan punika majeng Dinas Pemajuan Masyarakat Adat Provinsi Bali senistane ring pinanggal 30 April 2020.
Kaping pitu, ngaryanin cakepan kalaksanayang ngawit pinanggal 27 kantos 29 April 2020 antuk swadaya lan gotong royong nindihin kemanusan.
Instruksi Gubernur ini kamedalan malelawatan ring awig-awig lan uger-uger sekali Peraturan Pemerintah Nomor 21 Tahun 2020 indik Pembatasan Sosial Berskala Besar (PSBB) Dalam Rangka Percepatan Penanganan Corona Virus Disease 2019 (COVID-19), Keputusan Presiden Nomor 11 Tahun 2020 indik Penetapan Kedaruratan Kesehatan Masyarakat COVID-19, Maklumat Kepala Kepolisian Republik Indonesia Nomor: Mak/2/1/2020 pinanggal 19 Maret 2020 indik Kepatuhan Terhadap Kebijakan Pemerintah ring Penanganan Penyebaran Virus Corona (COVID-19), Keputusan Gubernur Bali Nomor 270/04-G/HK/2020 indik Penetapan Status Tanggap Darurat Bencana Wabah Penyakit Akibat Virus Corona 19 di Provinsi Bali miwah Keputusan Bersama Gubernur Bali dan Majelis Desa Adat Provinsi Bali Nomor 472/1571/PPDA/DPMA dan Nomor 05/SK/MDA-Prow Beli/m/2020 pinanggal 28 Maret 2020 indik Satuan Tugas (SATGAS) GOTONG ROYONG Pencegahan COVID-19 Berbasis desa adat ring Bali.
Saking telepon, Redite (26/4) semeng, Kepala Dinas Pemajuan Desa Adat I Gusti Agung Ketut Kartika Jaya Seputra, SH.,MH maosan Instruksi Gubernur punika pinaka sinalih tunggil pemargi mabuat Gubernur Bali ring upanaya nambakin Vovid-19.
"Dinas PMA sareng MDA Provinsi Bali pacang ngelanturang Instruksi punika mangda bendesa adat lan satgas gotong royong se-Bali gelis mekarya cakepan indik PMI lan ABK miwah krama sane saking dura Bali lan wewidangan desa adat," baosne.
Kartika Jaya Seputra negesan, cakepan sane mapupul punika pacang kaangge dedasar ngambil pemargi olih Gubernur Bali ring upanaya nambakin covid-19.
"Dinas PMA sareng Majelis Desa Adat ring provinsi, kabupaten/kota miwah kecamatan se Bali jagi gelis muputan cakepan puniki kantos presida gelis ngambil pemargi selantur nyane," ucap dane apisan nunas majeng pare bendesa adat lan Kepala Desa se-Bali sareng ngewantu. (Balitopnews.com /md)
Komentar