Koster: Kawentenan Niskala Pinaka Penyangkep lan Medasar ring Pembangunan Bali
- 28 Juni 2020
- 22:06 WITA
- News
DENPASAR, Balitopnews.com. Gubernur Bali Wayan Koster maosan indik niskala pinaka mabuat pisan majeng kawentenan Bali lan ring galah sane memargi selanturne.
"Yadnya, adat lan tradisi iraga ring Bali sane patut kawangun sane kukuh santukan puniki sane nangian taksu Pulau Bali sane ngeranayang tamiu rauh," baos Gubernur Bali duk nampa Panitia Pelaksana Santhi Puja Samgraha ring rumah jabatan Jayasabha Denpasar ring rahina Redite 28 Juni 2020.
Koster negesaan, akah adat, agama, tradisi kantos seni budaya Bali sane wenten ring desa adat patut setata karereh lan kemargiang pinaka kawentenan dalam pembangunan sane jangkep lan medasar.
"Yening kantos sisi niskala puniki kalalian, nenten kemargiang, Bali wantah kantun aran kemanten. Nenten wenten lianne sareng daerah tiosan, nenten wenten sane pinaka magnet sane ngeranayang tamiune rauh ke Bali," ucap dane sane embas ring Sembiran, Kabupaten Buleleng puniki.
"Manut visi 'Nangun Sat Kerthi Loka Bali', raris tata titi kahuripan Bali era anyar pinaka era sane kapingetin tata titi kahuripan sane anyar. Indik kawentenan sekala niskala patut memargi sinarengan, alam lan budaya patut kaajegang pinaka indik pinih dasar ring upanaya nambakin tantangan-tantangan anyar. Tata titi punika anggen nyujur krama Bali sukertha sekala lan niskala," sineb dane. (gix)
Komentar