Koster : Icen Sanksi Teges Jatma lan Dalang Sane Nunjel Bendera PDIP
- 29 Juni 2020
- 16:06 WITA
- News
DENPASAR, Balitopnews.com - Ketua DPD PDIP Bali sane taler Gubernur Bali Wayan Koster ngogokang sesaduan olih kader PDIP se-Bali nyawis aksi nunjel bendera PDIP ring Jakarta duk demo RUU HIP makudang rahina sane lintang.
Indik punika kaodar Koster duk karauhin wusan Sidang Paripurna ring DPRD Bali Soma, 29 Juni 2020, nyawis sesaduan DPD PDIP Bali lan makasami DPC PDIP kabupaten/kota se-Bali indik aksi nunjel punika ke angga kepolisian.
"Wenten pituduh saking titiang pinaka pimpinan PDIP ring Bali santukan wenten jatma sane sampun nunjel bendera PDI Perjuangan pinaka simbol partai. Taler nganistayang Ketua Umum PDI Perjuangan Ibu Megawati Sukarno Putri," ucap dane.
Koster taler nunas mangda jatma sane nunjel punika lan dalangne kakenian sanksi hukum sane teges.
"Kamanah antuk titiang nenten dados wenten jatma sane melaksana ten becik sekadi punika ring Indonesia. Yening wenten asapunika patut kaicen sanksi hukum sane teges majeng dane pelaku lan dalangne," Koster negesan.
Ketua DPD PDIP Bali puniki ngaptiang ring Bali nenten wenten jatma sekadi punika rikala nguningan pikayun utawi aspirasi.
"Bali patut ngogokang mangda semangat. Mangda ring Bali sampunan wenten sekadi punika. Pubiki amongan iraga pinaka kader partai," sineb Koster. (gix)
Komentar