Gubernur Bali Nguningan 2 Raperda ring Sidang Paripurna ring DPRD Bali
- 29 Juni 2020
- 19:06 WITA
- News
DENPASAR, Balitopnews.com. Gubernur Bali Wayan Koster ngerauhin paruman paripurna ke-6 masa persidangan II warsa 2020, semeng i wawu, 29 Juni 2020.
Gubernur Bali ngaturang angayu bagya disampun 7 warsa mairingan ngamolihang opini Wajar Tanpa Pengecualian (WTP) antuk penilaian sane kapolihang saking sesaduan pikolih panureksan BPK-RI majeng sesaduan jinah Pemerintah Daerah Provinsi Bali warsa anggaran 2019 sane katampa ring paruman paripurna dewan ring rahina Sukra pinanggal 29 Mei 2020 ring masan COVID-19.
"Kaaptiang dumogi gering puniki gelis ical mangda geginan ring pekraman presida memargi manut sekadi sane kakayunin," ucap dane.
Ring paruman paripurna puniki, Koster nguningan raperda indik Pertanggungjawaban Pelaksanaan Anggaran Pendapatan lan Belanja Daerah Semesta Berencana Provinsi Bali Tahun Anggaran 2019 lan Raperda tentang Rencana Umum Energi Daerah Provinsi Bali warsa 2020-2050.
Raris Raperda Provinsi Bali indik Pertanggungjawaban Pelaksanaan APBD Tahun Anggaran 2019, manut ring uger Pasal 320 Undang-undang Nomor 23 Tahun 2014 indik Pemerintahan Daerah, lan ketentuan Pasal 194 Peraturan Pemerintah Nomor 12 Tahun 2019 indik Pengelolaan Keuangan Daerah. Sesaduan jinah Pemerintah Provinsi Bali Tahun Anggaran 2019 inggih punika saking Laporan Realisasi Anggaran sane ngunggahang ikhtiar sumber, alokasi lan penganggen sumber daya ekonomi sane kaamongin olih Pemerintah Provinsi Bali.
Sesaduan pemargin aggaran warsa anggaran 2019, Pikolih daerah warsa anggaran 2019 kaaptiang 6,498 triliun rupiah lintang kantos ring penyineb wahun anggaran 2019 memargi 6,645 triliun rupiah lintang utawi 102,26 persen.
Matumbasan lan transfer ring warsa anggaran 2019 makeh nyane 7,201 triliun rupiah lintang kantos ring penyineb wahun anggaran 2019 memargi 6,518 triliun rupiah lintang utawi 90,52 persen.
Penanmpa prebea ring warsa anggaran 2019 karencanayang 702,345 milyar rupiah lintang kantos penyineb warsa anggaran 2019 sampun memargi 704,590 milyar rupiah lintang utawi 100,32 persen. Pemedal prebea ring warsa anggaran 2019 karencanayang nol rupiah kantos ring penyineb warsa anggaran 2019 pemargine taler nol rupiah.
Saking tetarkan baga sesaduan pemargi anggaran punika kapolihang Sisa Lebih Pembiayaan Anggaran Tahun Anggaran 2019 831,815 milyar rupiah lintang.
Saldo anggaran lintang pengawit 702,345 milyar rupiah lintang. Penganggen saldo anggaran lintang pinaka penampa prebea warsa memargi makeh nyane 702,345 milyar rupiah lintang. Ngamecikan kaiwangan cakepan warsa sedurungne nol rupiah lan saldo anggaran lintang penyineb makeh nyane 831,815 milyar rupiah lintang. (gix)
Komentar