Ngewalian Ekonomi Bali, Gubernur Koster Lepas Ekspor Kakao Fermentasi 10 Ton ke Osaka Jepang
- 20 Agustus 2020
- 21:08 WITA
- News
JEMBRANA, Balitopnews.com - Gubernur Bali, Wayan Koster sareng Wakil Gubernur Bali, Tjokorda Oka Artha Ardhana Sukawati nenten presida ngengkeban bagiane antuk presidqne petani kakao Subak Abian Dwi Mekar, Desa Poh Santen, Jembrana sane mewali ngekspor kakao fermentasi memakeh 10 ton ke Osaka Jepang,
yadiastun Bali lan jagate kantun kalimbak pandemi Covid-19.
"Kalepasne ekspor batun kakao fermentasi Bali khas Jembrana puniki ke Jepang pinaka sinalih tunggil implementasi saking limang baga prioritas ring Pola Pembangunan Semesta Berencana nyujur Bali Era Baru ring visi "Nangun Sat Kerthi Loka Bali," sane galah mangkin karioritasin ring ngewalian ekonomi ring masan pandemi Covid-19 sane sinalih tunggilne ring baga pangan, sandang lan papan, tiosan saking baga kesehatan lan pendidikan, baga jaminan sosial lan ketenagakerjaan, baga adat, agama, tradisi, seni lan budaya miwah baga pariwisata," ucap dane, Respati (20/8) ring ajeng Bupati Jembrana, I Putu Artha, Wakil Bupati, I Made Kembang Hartawan, Anggota DPR-RI Komisi IV, Made Urip, Sekda Bali, Dewa Made Indra, Ketua UPH Amerta Urip, I Made Sugandi, lan Kelian Subak Abian, Ketut Sutama.
Antuk presidane ekspor batun kakao fermentasi Bali khas Jembrana punika mawinan Gubernur Bali sane taler menjabat pinaka Ketua DPD PDI Perjuangan Provinsi Bali puniki nguningan pertanian Bali kantun dados primadona lan komoditi ekspor sane kasumbunganbdunia ring pandemi Covid-19.
Anggen ngabih potensi kakao puniki tetep lestari lan ngicen kawigunan ring ekonomi majeng petani, Wayan Koster melarapan Dinas Pertanian lan Ketahanan Pangan Provinsi Bali, indik ring warsa 2020 sampun nyadiayang wantuan kakao 100.000 punya antuk jimbar 100 hektar lanb10.000 punya punika karencanayang ring Subak Abian Dwi Mekar, Desa Poh Santen. Raris taler wenten wantuan winih kelapa gajah 12.000 punya antuk jimbar 100 hektar sane kasobyahang ring makudang Subak Abian, selanturne wenten wantuan alat pasca panen kakao sane magenah ring Unit Pengolahan Hasil Amerta Urip, Subak Abian Dwi Mekar, Desa Poh Santen marupa wangunan pengolah hasil, unit pengering solar drayer lan kotak fermentasi miwah timbangan duduk.
"Dumun duk titiang dados calon Gubernur Bali, polih rauh ke perkebunan kakao puniki, titiang nyingak kualitasne becik lan sampun titiang tarka duk punika potensi kakao Bali khas Jembrana puniki becik pisan, kantos dumun titiang ngemanahin patut kaukung perkebunan puniki saking hulu lan teben, raris tebenne sampun memargi kantos ke Eropa. Dadosne mangkin sane patut katincapan inggih punika produksine lan tegalne kajmbarin," ucap dane sane naenin dados anggota DPR-RI tigang periode saking Fraksi PDI Perjuangan puniki.
Indik ring hulune, Gubernur Bali jebolan ITB puniki ngaptiang aspek budidaya kakao patut setata kaintensifan selanturne Subak Abian puniki kaaptiang ngewangun koperasi-koperasi pengolahan lan pemasaran pikolih sekadi Koperasi Kertha Semaya Semaniya ring Desa Nusasari, Kecamatan Melaya sane presida ngeproduksi kakao olahan lan sampun presida nembus pasar dunia sekadi Prancis, Finlandia, lan Jepang. Antuk ngewangun wadah koperasi, Koster nyantenan pacang ngedanganan para petani rikala koordinasi lan anggen pembinaan miwah presida ngemargiang krama anggota ring kerjasama rikala ngelola lan masaran anyi.
Nenten wantah kakao fermentasi Bali khas Jembrana sane kauratiang Gubernur Koster, makudang pemargi nindihin dunia pertanian ring Bali sane pikolihne presida kaekspor, sekadi manggis lan mangkin kantun kasuray program unggulan pertanian tiosan mangda presida kaekspor.
"Disampun kakao, lan manggis, patut kakayuni salak Bali, buah naga mangda presida kafasilitasi ring Direktorat Bea Cukai antuk bekerjasama sareng makudang panegara anggen mungkah ekspor produk-produk Bali," kawewehin pencetus Peraturan Gubernur Bali Nomor 99 warsa 2018 indik Pemasaran lan Pemanfaatan Produk Pertanian, Perikanan lan Industri Lokal Bali puniki.
Tiosan raris Kadis Pertanian lan Ketahanan Pangan Provinsi Bali, Ida Bagus Wisnuardhana nyaduang indik ring Kabupaten Jembrana medue potensi sane dahat ageng anggen nincapan komoditas perkebunan, sekadi komoditas kelapa, kakao, cengkeh lan panili.
Indik komoditas kakao ring Jembrana, baos Kadis Pertanian lan Ketahanan Pangan Provinsi Bali ring Jembrana pinaka kabupaten antuk jimbar tegal kakao pinih ageng ring Bali sane kantos 43,25 persen, apisanan pinaka kabupaten sane nguleng kakao fermentasi ring Bali.
Indik aji, kakao Jembrana presida kaadol saking Rp 58.000 kantos 60.000 akilone lan minab puniki pinaka aji kakao fermentasi pinih mael ring Indonesia.
Wisnuardhana ngelanturang saking makasami produksi kakao Bali sane kantos 4.849 ton, raris sane jagi kajujur batun kakao fermentasi ring warsa puniki kirang langkung 1.000 ton lan kadagingin sekirangne 600 ton saking Kabupaten Jembrana anggen nagingin pasar ekspor, sekadi sane karencanayang rahina puniki melaunching 10 ton kakao fermentasi ke Osaka Jepang.
"Gambaran ekspor kakao fermentasi ring rahina mangkin ngelingan iraga indik sektor pertanian, utamane sub sektor perkebunan kantun memargi ring pandemi Covid-19," tegesne.
Ring penyineb acara Gubernur Bali Wayan Koster sareng Wakil Gubernur Bali, Tjokorda Oka Artha Ardhana Sukawati, Bupati Jembrana, I Putu Artha, Wakil Bupati, I Made Kembang Hartawan, Anggota DPR-RI Komisi IV, Made Urip, Sekda Bali, Dewa Made Indra nyukserahang wantuan permodalan Bank BPD Bali majeng UPH Amerta Urip Rp. 200 juta lan kalanturang antuk ngaresmian Bangunan Pasca Panen Kakao ring UPH Amerta Urip.
Dalam kesempatan itu, para petani di Subak Abian Dwi Mekar, Desa Poh Santen, Jembrana juga mempamerkan Minuman Bubuk Cokelat yang di produksi oleh KWT Kusuma Sari, Desa Candikusuma, Jembrana, dan Minuman Arak Pasatan yang diproduksi oleh UPH Amerta Urip. (Gix)
Komentar