Lepas Tour Bali Willys Club", Wagub Cok Ace Ngaptiang Pemilet Nyawur Yus Kenak
- 22 Agustus 2020
- 19:08 WITA
- News
DENPASAR, Balitopnews.com - Wakil Gubernur Bali Tjokorda Oka Artha Ardhana Sukawati (Cok Ace), ngalepas touring mobil “Willys Club” sane pacang ngelaksanayang pemargi Denpasar-Bedugul nyawur yus kenak ring pandemi Covid-19 miwah pinaka petinget HUT Willys Club ke 32. Pemargi punika kalaksanayang ring Lapangan Selatan Bajra Sandhi, Renon, Denpasar, ring rahina Saniscara (22 Agustus 2020).
Ring selagan acara pelepasan, Wagub Cok Ace sane taler seneng mobil willys nguningan indik sejarah sane setata ninggal parindikan majeng iraga pinaka sentana mangda setata namian lan ngelanturang.
Minakadi teori, dasar negara utawi tetamian-tetamian fisik sane medue nilai sejarah. Sinalih tunggil komunitas ring Bali sane kaloktah antuk mobil-mobil tentara klasik mewasta Bali Willys Club (BWC).
Willys Jeep puniki janten sinalih tunggil baga saking sejarah kemahardikan Indonesia, utamane tetamian saking perang dunia ke II. Munggwing asapunika Wagub Cok Ace nyumbungan antuk pikayun pemilet willys club sane pacang ngawentenang touring Denpasar-Bedugul, setiosan anggen petinget HUT BWC lan HUT Kemahardikan RI ke-72 taler kaaptiang presida nyawur salam protokol kesehatan ring pekraman.
“Ngemargiang acara touring ring era new normal puniki kemanah antuk titiang nenten wenten iwangne, indik puniki sepatutne ngicen yus becik ring pekraman. Sekadi antuk ngemargiang protokol kesehatan ring pemargi lan nyawur salam protokol kesehatan ring margine," ucap dane.
Munggwing asapunika Wagub Cok Ace ngaptiang, antuk kawentenang touring puniki para pemilet sane masikian saking makudang angga sekadi pengusaha, wiraswasta, mekanik kantos anggota TNI/POLRI polih nincapan rasa pesikian ring pare pamilet lan taler nyawur yus becik ring daerah-daerah sane kalintangin.
Acara touring punika kasarengin olih 80 pemilet antuk 50 mobil jeep willys. Sadurung ngelepas pemilet touring Wagub Cok Ace taler nyukserahan wantuan marupa sembako, handsanitizer lan masker majeng pemilet touring. (Gix).
Komentar