Pakeling Wanti Warsa ka-528 Kota Tabanan, Bupati Sanjaya : Bangga Dados Krama Tabanan, Potensi Sane Kaduwenang Dasar Ngwangun Tabanan
- 29 November 2021
- 23:11 WITA
- News
TABANAN, Balitopnews.com - Bupati Tabanan I Komang Gede Sanjaya, nyarengang krama mangda bangga dados krama Tabanan saha nitenin sakancan potensi sane kaduwenang Tabanan sajeroning ngwangun Tabanan.
Parindikan punika katuekang olih Bupati Sanjaya sesampun nodyanin pamargin pakeling wanti warsa ka-528 Kota Tabanan ring Gedung Kesenian I Ketut Mario, Tabanan, Soma ( 29 Oktober 2021).
" Patut Bangga dados krama Tabanan, Potensi sane kaduwenang pinaka dasar ngwangun Tabanan, " baos Bupati Sanjaya.
Bupati sane kausung PDIP Tabanan puniki taler ngaptiang ring pakeling wanti warsa ka-528, Kota Tabanan sane kantun ring kahanan pandemi, kawentenan pandemi ring Tabanan mangda prasida ical. Mugi nenten wenten pialang wiadin parindikan sane sayan kaon mapaiketan ring kawentenan pandemi, " baos Sanjaya.
Pucak pakeling wanti warsa ka-528 Kota Tabanan mamargi saderana. Kakawitin antuk sesolahan seni miwah budaya, nyukserahang adiah lomba lomba, sambrama wacana saking Bupati Tabanan nglantur ring pemotongan tumpeng. Ring pucak pakeling wanti warsa kadagingin sesolahan teaterikal "Raja Tabanan XXI Mantuk Ring Rana" olih Sanggar Jagat Seni Usana saha kasineb antuk sesolahan drama gong paguyuban seniman Tabanan sane mamurda "Cupak Dimabuk Asmara,"
Pakeling wanti warsa ka-528 Kota Tabanan taler karauhin antuk wakil bupati I Made Edi Wirawan, Raja Tabanan Ida Cokorda Anglurah Tabanan, Ketua DPRD Tabanan I Made Dirga, Kapolres Tabanan AKBP Ranefli Dian Candra, porkompida. (md)
Komentar