Diskominfo Tabanan Nyobyahang Swalapatra lan Lingga Tangan Elektronil
- 02 Desember 2021
- 21:12 WITA
- News
TABANAN, Balitopnews.com - Pinaka penyokong Sistem Pemerintahan Berbasis Elektronik lan Visi Misi Kabupaten Tabanan sane Aman Unggul lan Madani (AUM), Dinas Komunikasi Lan Informatika Kabupaten Tabanan, ngawentenan acara nyobyahang swalapatra lan lingga tangan elektrinik majeng ring para sekpri ring wewidangan Sekretariat Daerah Kabupaten Tabanan.
Acara sane jagi kemargiang kalih rahina ngawit pinaggal masehi 1 - 2 Desember 2021 puniki, kabungkah oli Asisten III Sekda Kabupaten Tabanan I Made Agus Hartawiguna, ring Ruang Rapat VIP Kantor Bupati inucap, ring rahina Buda, (1/12). Acarane puniki taler kerauhin Manggala Dinas Kominfo Kabupaten Tabanan I Putu Dian Setiawan lan Mangga Bagia Umum Setda I Made Sastra Wibawa.
Asisten III Sekda Kabupaten Tabanan Agus Hartawiguna maosang, selami puniki Pemkab Tabanan kari ngangge swalapatra sane sampun katah kemargiang mekudang-kudang warsa inggih punika swalapatra sane manual, nanging antuk nginutin kemajuan ring widang teknologi infomasi lan komunikasi punika mangsanya presida ngicenin ayah ayahan ring widang administrasi mangda sayan nincap dan digelis majeng ring para janane. Mejalaran antuk acarane punika keaptiang, presida nincapang kaweruhan lan kewagedan majeng para sekpri gumantinsida ngicen ayah ayah sane sayan becik lan nincapajeng ring para manggalannyane.
Ring galah punika Manggala Dinad Kominfo Kabupaten Tabanan I Putu Dian Setiawan taler mawosang; pinaka penyokong Sistem Pemerintahan Sane Berbasis Elektronik lan Visi Misi Kabupaten Tabanan, Dinas Kominfo sampun ngaryanin makudang kudang inovasi, sinalih tunggilnyane sane kewastanin Tabanan Office Patner (TOP). Manutnyane aplokasi swalapatra elektronik e_surat puniki, sampun terus kebecikang lan kasampunayang, lan sane mangkin sampun sida kasikiang sareng Lingga Tangan Elektronik utawi Tanda Tangan Elektronik (TTE).
Dian Setiawan ngawewehin, antuk nerapang swala patra lan lingga tangan elektronik punika akeh pisan kaunggulannyane yen saihang ring swalapatra sane kantun manual (konvensional). Napi malih manutnyane, lingga tangan elektronik punika sampun keverifikasi olih Badan Siber lan Sandi Negara ( BSSN), sane artinnyane sampun mewasta sah lan resmi, tur sampun presida dipertanggungjawabkan secara hukum.(md/rls)
Komentar