Ngrauhin Pasar Murah, PJ. Gubernur Bali Nakenang Pangarga miwah Pasokan ring Pedagang
- 10 Desember 2023
- 22:12 WITA
- News
DENPASAR, Balitopnews.com - Sajeroning nureksain pasokan kawentenan pangan wiadin pangarga pangan nyanggra Natal miwah warsa anyar 2024, Pemerintah Provinsi Bali malarapan Biro Pengadaan Barang, Jasa dan Perekonomian sane maprakanti sareng Bank Indonesia, Bank BPD Bali, Bulog, TPID Provinsi Bali, Paiketan Perumda Pangan miwah Pertamina nglaksanayang Pasar Murah, sane magenah ring ajeng Kantor Gubernur Bali, rahina Redite (10 Desember 2023)
Ring galahe punika, Penjabat Gubernur Bali S.M Mahendra Jaya kasarengin Ny. Drg. Ida Mahendra taler rauh saha matumbasan ring Pasar Murah. Mahendra Jaya, tiosan ngawigunayang galahe punika sajeroning matumbasan, taler kaanggen galah mabebaosan sareng para pedagang indik pangarga miwah pasokan pangan galahe mangkin. Para pedagang akehan maosang, yening nyanggra Nataru pasokan pangan kantun aman saha kantun terkendali ring lapangan.
Parikrama pasar murah jagi kalaksanayang ping 4 minakadi ring tanggal 10, 17,24 miwah 29 Desember sane kamiletin olih 50 pedagang antuk komoditas pokok sakadi bawah merah, bawang putih, pedes, beras, minyak, gula, beras, miwah ayam antuk pangarga sane murah. Ring galahe punika, PJ. Gubernur Bali kasarengin olih makudang Kepala OPD ring lingkungan Pemerintah Provinsi Bali.(Rls/Btnc)
Komentar